హెచ్చరిక:- దైవారాధనలు ప్రమాదరహితము . తాంత్రిక సాధనలు ప్రమాద భరితము . మీ అర్హత పాత్రతలను సరియైన గురువులే నిర్ణయించగలరు. మంత్ర సాధనలు , తాంత్రిక ప్రయోగముల విషయమై సుశిక్షితులు , అనుభవజ్ఞులు , గురువుల నాశ్రయించి మంత్రసిద్ధికై యత్నించ వలెను. లేనిచో ప్రమోదమునకు బదులు ప్రమాదములు సంభవించ గలవు . " తస్మాత్ జాగ్రత్త! "

లేబుళ్లు

విష్ణుమూర్తి కదంబం లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
విష్ణుమూర్తి కదంబం లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

సోమవారం, జులై 15, 2013

నారాయణస్తోత్రం

Narayana stotram by Sankaracharya in telugu - నారాయణస్తోత్రం

నారాయణ నారాయణ జయ గోవింద హరే ||
నారాయణ నారాయణ జయ గోపాల హరే ||

కరుణాపారావార వరుణాలయగంభీర నారాయణ || ౧ ||
ఘననీరదసంకాశ కృతకలికల్మషనాశన నారాయణ || ౨ ||

యమునాతీరవిహార ధృతకౌస్తుభమణిహార నారాయణ || ౩ ||
పీతాంబరపరిధాన సురకళ్యాణనిధాన నారాయణ || ౪ ||

మంజులగుంజాభూష మాయామానుషవేష నారాయణ || ౫ ||
రాధాధరమధురసిక రజనీకరకులతిలక నారాయణ || ౬ ||

మురళీగానవినోద వేదస్తుతభూపాద నారాయణ || ౭ ||
బర్హినిబర్హాపీడ నటనాటకఫణిక్రీడ నారాయణ || ౮ ||

వారిజభూషాభరణ రాజీవరుక్మిణీరమణ నారాయణ || ౯ ||
జలరుహదళనిభనేత్ర జగదారంభకసూత్ర నారాయణ || ౧౦ ||

పాతకరజనీసంహార కరుణాలయ మాముద్ధర నారాయణ || ౧౧ ||
అఘ బకహయకంసారే కేశవ కృష్ణ మురారే నారాయణ || ౧౨ ||

హాటకనిభపీతాంబర అభయం కురు మే మావర నారాయణ || ౧౩ ||
దశరథరాజకుమార దానవమదసంహార నారాయణ || ౧౪ ||

గోవర్ధనగిరి రమణ గోపీమానసహరణ నారాయణ || ౧౫ ||
సరయుతీరవిహార సజ్జనఋషిమందార నారాయణ || ౧౬ ||

విశ్వామిత్రమఖత్ర వివిధవరానుచరిత్ర నారాయణ || ౧౭ ||
ధ్వజవజ్రాంకుశపాద ధరణీసుతసహమోద నారాయణ || ౧౮ ||

జనకసుతాప్రతిపాల జయ జయ సంస్మృతిలీల నారాయణ || ౧౯ ||
దశరథవాగ్ధృతిభార దండక వనసంచార నారాయణ || ౨౦ ||

ముష్టికచాణూరసంహార మునిమానసవిహార నారాయణ || ౨౧ ||
వాలివినిగ్రహశౌర్య వరసుగ్రీవహితార్య నారాయణ || ౨౨ ||

మాం మురళీకర ధీవర పాలయ పాలయ శ్రీధర నారాయణ || ౨౩ ||
జలనిధి బంధన ధీర రావణకంఠవిదార నారాయణ || ౨౪ ||

తాటకమర్దన రామ నటగుణవివిధ సురామ నారాయణ || ౨౫ ||
గౌతమపత్నీపూజన కరుణాఘనావలోకన నారాయణ || ౨౬ ||

సంభ్రమసీతాహార సాకేతపురవిహార నారాయణ || ౨౭ ||
అచలోద్ధృతచంచత్కర భక్తానుగ్రహతత్పర నారాయణ || ౨౮ ||

నైగమగానవినోద రక్షిత సుప్రహ్లాద నారాయణ || ౨౯ ||
భారత యతవరశంకర నామామృతమఖిలాంతర నారాయణ || ౩౦ ||

ఆదివారం, జులై 14, 2013

రంగనాథాష్టకం

Ranganathashtakam in telugu - రంగనాథాష్టకం



ఆనందరూపే నిజబోధరూపే బ్రహ్మస్వరూపే శ్రుతిమూర్తిరూపే |
శశాంకరూపే రమణీయరూపే శ్రీరంగరూపే రమతాం మనో మే || ౧ ||

కావేరితీరే కరుణా విలోలే మందారమూలే ధృత చారుకేలే |
దైత్యాంతకాలేzఖిలలోకలీలే శ్రీరంగలీలే రమతాం మనో మే || ౨ ||

లక్ష్మీనివాసే జగతాం నివాసే హృత్పద్మవాసే రవిబింబవాసే |
కృపానివాసే గుణవృందవాసే శ్రీరంగవాసే రమతాం మనో మే || ౩ ||

బ్రహ్మాదివంద్యే జగదేకవంద్యే ముకుందవంద్యే సురనాథవంద్యే |
వ్యాసాదివంద్యే సనకాదివంద్యే శ్రీరంగవంద్యే రమతాం మనో మే || ౪ ||

బ్రహ్మాదిరాజే గరుడాదిరాజే వైకుంఠరాజే సురరాజరాజే |
త్రైలోక్యరాజేzఖిలలోకరాజే శ్రీరంగరాజే రమతాం మనో మే || ౫ ||

అమోఘముద్రే పరిపూర్ణనిద్రే శ్రీయోగనిద్రే ససముద్రనిద్రే |
శ్రితైకభద్రే జగదేకనిద్రే శ్రీరంగభద్రే రమతాం మనో మే || ౬ ||

సచిత్రశాయీ భుజగేంద్రశాయీ నందాంగశాయీ కమలాంగశాయీ |
క్షీరాబ్ధిశాయీ వటపత్రశాయీ శ్రీరంగశాయీ రమతాం మనో మే || ౭ ||

ఇదం హి రంగం త్యజతామిహాంగం పునర్నశాంగం యది శాంగమేతి |
పాణౌ రథాంగం చరణేంబు కాంగం యానే విహంగం శయనే భుజంగమ్ || ౮ ||

రంగనాథాష్టకం పుణ్యం ప్రాతరుత్థాయ యః పఠేత్ |
సర్వాన్కామానవాప్నోతి రంగిసాయుజ్యమాప్నుయాత్ ||

పాండురంగాష్టకం

Pandurangashtakam in telugu - పాండురంగాష్టకం

మహాయోగపీఠే తటే భీమరథ్యా - వరం పుండరీకాయ దాతుం మునీంద్రైః |
సమాగత్య తిష్ఠంతమానందకందం - పరబ్రహ్మలింగం భజే పాండురంగమ్ || ౧ ||

తటిద్వాససం నీలమేఘావభాసం - రమామందిరం సుందరం చిత్ప్రకాశమ్ |
వరం త్విష్టకాయాం సమన్యస్తపాదం - పరబ్రహ్మలింగం భజే పాండురంగమ్ || ౨ ||

ప్రమాణం భవాబ్ధేరిదం మామకానాం - నితంబః కరాభ్యాం ధృతో యేన తస్మాత్ |
విధాతుర్వసత్యై ధృతో నాభికోశః - పరబ్రహ్మలింగం భజే పాండురంగమ్ || ౩ ||

స్ఫురత్కౌస్తుభాలంకృతం కంఠదేశే - శ్రియా జుష్టకేయూరకం శ్రీనివాసమ్ |
శివం శాంతమీడ్యం వరం లోకపాలం - పరబ్రహ్మలింగం భజే పాండురంగమ్ || ౪ ||

శరచ్చంద్రబింబాననం చారుహాసం - లసత్కుండలాక్రాంతగండస్థలాంతమ్ |
జపారాగబింబాధరం కంజనేత్రం - పరబ్రహ్మలింగం భజే పాండురంగమ్ || ౫ ||

కిరీటోజ్జ్వలత్సర్వదిక్ప్రాంతభాగం - సురైరర్చితం దివ్యరత్నైరనర్ఘైః |
త్రిభంగాకృతిం బర్హమాల్యావతంసం - పరబ్రహ్మలింగం భజే పాండురంగమ్ || ౬ ||

విభుం వేణునాదం చరంతం దురంతం - స్వయం లీలయా గోపవేషం దధానమ్ |
గవాం బృందకానందదం చారుహాసం - పరబ్రహ్మలింగం భజే పాండురంగమ్ || ౭ ||

అజం రుక్మిణీ ప్రాణసంజీవనం తం - పరం ధామ కైవల్యమేకం తురీయమ్ |
ప్రసన్నం ప్రపన్నార్తిహం దేవదేవం - పరబ్రహ్మలింగం భజే పాండురంగమ్ || ౮ ||

స్తవం పాండురంగస్య వై పుణ్యదం యే - పఠంత్యేకచిత్తేన భక్త్యా చ నిత్యమ్ |
భవాంభోనిధిం తే వితీర్త్వాంతకాలే - హరేరాలయం శాశ్వతం ప్రాప్నువంతి || ౯ ||

గురువారం, జులై 11, 2013

లక్ష్మీనృసింహ పంచరత్నం

Lakshmi Nrusimha pancharatnam in telugu - లక్ష్మీనృసింహ పంచరత్నం

త్వత్ప్రభుజీవప్రియమిచ్ఛసి చేన్నరహరిపూజాం కురు సతతం
ప్రతిబింబాలంకృతిధృతికుశలో బింబాలంకృతిమాతనుతే |
చేతోభృంగ భ్రమసి వృథా భవమరుభూమౌ విరసాయాం
భజ భజ లక్ష్మీనరసింహానఘపదసరసిజమకరందమ్ || ౧ ||

శుక్తౌ రజతప్రతిభా జాతా కటకాద్యర్థసమర్థా చే-
ద్దుఃఖమయీ తే సంసృతిరేషా నిర్వృతిదానే నిపుణా స్యాత్ |
చేతోభృంగ భ్రమసి వృథా భవమరుభూమౌ విరసాయాం
భజ భజ లక్ష్మీనరసింహానఘపదసరసిజమకరందమ్ || ౨ ||

ఆకృతిసామ్యాచ్ఛాల్మలికుసుమే స్థలనలినత్వభ్రమమకరోః
గంధరసావిహ కిము విద్యేతే విఫలం భ్రామ్యసి భృశవిరసేస్మిన్ |
చేతోభృంగ భ్రమసి వృథా భవమరుభూమౌ విరసాయాం
భజ భజ లక్ష్మీనరసింహానఘపదసరసిజమకరందమ్ || ౩ ||

స్రక్చందనవనితాదీన్విషయాన్సుఖదాన్మత్వా తత్ర విహరసే
గంధఫలీసదృశా నను తేమీ భోగానంతరదుఃఖకృతః స్యుః |
చేతోభృంగ భ్రమసి వృథా భవమరుభూమౌ విరసాయాం
భజ భజ లక్ష్మీనరసింహానఘపదసరసిజమకరందమ్ || ౪ ||

తవ హితమేకం వచనం వక్ష్యే శృణు సుఖకామో యది సతతం
స్వప్నే దృష్టం సకలం హి మృషా జాగ్రతి చ స్మర తద్వదితి|
చేతోభృంగ భ్రమసి వృథా భవమరుభూమౌ విరసాయాం
భజ భజ లక్ష్మీనరసింహానఘపదసరసిజమకరందమ్ || ౫ ||

బుధవారం, జులై 10, 2013

విష్ణుపాదాదికేశాంతవర్ణనస్తోత్రం

Vishnu padadi kesantha varnana stotram in telugu - విష్ణుపాదాదికేశాంతవర్ణనస్తోత్రం

లక్ష్మీభర్తుర్భుజాగ్రే కృతవసతి సితం యస్య రూపం విశాలం
నీలాద్రేస్తుంగశృంగస్థితమివ రజనీనాథబింబం విభాతి |
పాయాన్నః పాంచజన్యః స దితిసుతకులత్రాసనైః పూరయన్స్వై-
ర్నిధ్వానైర్నీరదౌఘధ్వనిపరిభవదైరంబరం కంబురాజః || ౧ ||

ఆహుర్యస్య స్వరూపం క్షణముఖమఖిలం సూరయః కాలమేతం
ధ్వాంతస్యైకాంతమంతం యదపి చ పరమం సర్వధామ్నాం చ ధామ |
చక్రం తచ్చక్రపాణేర్దితిజతనుగలద్రక్తధారాక్తధారం
శశ్వన్నో విశ్వవంద్యం వితరతు విపులం శర్మ ధర్మాంశుశోభమ్ || ౨ ||

అవ్యాన్నిర్ఘాతఘోరో హరిభుజపవనామర్శనాధ్మాతమూర్తే-
రస్మాన్విస్మేరనేత్రత్రిదశనుతివచః సాధుకారైః సుతారః |
సర్వం సంహర్తుమిచ్ఛోరరికులభువన స్ఫారవిష్ఫారనాదః
సంయత్కల్పాంతసింధౌ శరసలిలఘటావార్ముచః కార్ముకస్య || ౩ ||

జీమూతశ్యామభాసా ముహురపి భగవద్బాహునా మోహయంతీ
యుద్ధేషూద్ధూయమానా ఝటితి తటిదివాలక్ష్యతే యస్య మూర్తిః |
సోzసిస్త్రాసాకులాక్షత్రిదశరిపువపు శోణితాస్వాదతృప్తో
నిత్యానందాయ భూయాన్మధుమథనమనోనందనో నందకో నః || ౪ ||

కమ్రాకారా మురారేః కరకమలతలేనానురాగాద్గృహీతా
సమ్యగ్వృత్తా స్థితాగ్రే సపది న సహతే దర్శనం యా పరేషామ్ |
రాజంతీ దైత్యజీవాసవమదముదితా లోహితాలేపనార్ద్రా
కామం దీప్తాంశుకాంతా ప్రదిశతు దయితేవ్యాస్య కౌమోదకీ నః || ౫ ||

యో విశ్వప్రాణభూతస్తనురపి చ హరేర్యానకేతుస్వరూపో
యం సంచింత్యైవ సద్యః స్వయమురగవధూవర్గగర్భాః పతంతి |
చంచచ్చండోరుతుండత్రుటితఫణివసారక్తపంకాంకితస్యం
వందే ఛందోమయం తం ఖగపతిమమలస్వర్ణవర్ణం సుపర్ణం || ౬ ||

విష్ణోర్విశ్వేశ్వరస్య ప్రవరశయనకృత్సర్వలోకైకధర్తా
సోzనంతః సర్వభూతః పృథువిమలయశాః సర్వవేదైశ్చ వేద్యః |
పాతా విశ్వస్య శస్వత్సకలసురరిపుధ్వంసనః పాపహంతా
సర్వజ్ఞః సర్వసాక్షీ సకలవిషభయాత్పాతు భోగీశ్వరో న || ౭ ||

వాగ్భూగైర్యాదిభేదైర్విదురిహ మునయో యాం యదీయైశ్చ పుంసాం
కారుణ్యార్ద్రైః కటాక్షైః సకృదపి పతితైః సంపదః స్యుః సమగ్రాః |
కుందేందుస్వచ్ఛమందస్మితమధురముఖాంభోరుహాం సుందరాంగీం
వందే వంద్యామశేషైరపి మురభిదురోమందిరామిందిరాం తామ్ || ౮ ||

యా సూతే సత్త్వజాలం సకలమపి సదా సంనిధానేన పుంసో
ధత్తే యా తత్త్వయోగాచ్చరమచరమిదం భూతయే భూతజాతమ్ |
ధాత్రీం స్థాత్రీం జనిత్రీం ప్రకృతిమవికృతిం విశ్వశక్తిం విధాత్రీం
విష్ణోర్విశ్వాత్మనస్తాం విపులగుణమయీం ప్రాణనాథాం ప్రణౌమి || ౯ ||

యేభ్యోzసూయద్భిరుచ్చైః సపది పదమురు త్యజ్యతే దైత్యవర్గై-
ర్యేభో ధర్తుం చ మూర్ధ్నా స్పృహయతి సతతం సర్వగీర్వాణవర్గః |
నిత్యం నిర్మూలనేయుర్నిచితతరమమీ భక్తినిఘ్నాత్మనాం నః
పద్మాక్షస్యాంఘ్రిపద్మద్వయతలనిలయాః పాంసవః పాపపంకమ్ || ౧౦ ||

రేఖా లేఖాదివంద్యాశ్చరణతలగతాశ్చక్రమత్స్యాదిరూపాః
స్నిగ్ధాః సూక్ష్మాః సుజాతా మృదులలితతరక్షౌమసూత్రాయమాణాః |
దద్యుర్నో మంగళాని భ్రమరభరజుషా కోమలేనాబ్ధిజాయాః
కమ్రేణామ్రేడ్యమానాః కిసలయమృదునా పాణినా చక్రపాణేః || ౧౧ ||

యస్మాదాక్రామతో ద్యాం గరుడమణిశిలాకేతుదండాయమానా
దాశ్చ్యోతంతీ బభాసే సురసరిదమలా వైజయంతీవ కాంతా |
భూమిష్ఠో యస్తథాన్యో భువనగృహబృహత్స్తంభశోభాం దధౌ నః
పాతామేతౌ పాయోజోదరలలితతలౌ పంకజాక్షస్య పాదౌ || ౧౨ ||

ఆక్రామద్భ్యాం త్రిలోకీమసురసురపతీ తత్‍క్షణాదేవ నీతౌ
యాభ్యాం వైరోచనీంద్రౌ యుగపదపి విపత్సంపదోరేకధామః |
తాభ్యాం తామ్రోదరాభ్యాం ముహురహమజితస్యాంచితాభ్యాముభాభ్యాం
ప్రాజ్యైశ్వర్యప్రదాభ్యాం ప్రణతిముపగతః పాదపంకేరుహాభ్యామ్ || ౧౩ ||

యేభ్యో వర్ణశ్చతుర్థచరమత ఉదభూదాదిసర్గే ప్రజానాం
సాహస్రీ చాపి సంఖ్యా ప్రకటమభిహితా సర్వవేదేషు యేషామ్ |
ప్రాప్తా విశ్వంభరా యైరతివితతతనోర్విశ్వమూర్తేర్విరాజో
విష్ణోస్తేభ్యో మహద్భ్యః సతతమపి నమోzస్త్వంఘ్రిపంకేరుహేభ్యః || ౧౪ ||

విష్ణోః పాదద్వయాగ్రే విమలనఖమణిభ్రాజితా రాజతే యా
రాజీవస్యేవ రమ్యా హిమజలకణికాలంకృతాగ్రా దలాలీ |
అస్మాకం విస్మయార్హాణ్యఖిలజనమన ప్రార్థనీయా హి సేయం
దద్యాదాద్యానవద్యా తతిరతిరుచిరా మంగలాన్యంగులీనామ్ || ౧౫ ||

యస్యాం దృష్ట్వామలాయాం ప్రతికృతిమమరాః సంభవన్త్యానమంతః
సేంద్రాః సాంద్రీకృతేర్ష్యాస్త్వపరసురకులాశంకయాతంకవంతః |
సా సద్యః సాతిరేకాం సకలసుఖకరీం సంపదం సాధయేన్న-
శ్చంచచ్చార్వంశుచక్రా చరణనలినయోశ్చక్రపాణేర్నఖాలీ || ౧౬ ||

పాదాంభోజన్మసేవాసమవనతసురవ్రాతభాస్వత్కిరీట-
ప్రత్యుప్తోచ్చావచాశ్మప్రవరకరగణైశ్చింతితం యద్విభాతి |
నమ్రాంగానాం హరేర్నో హరిదుపలమహాకూర్మసౌందర్యహారి-
చ్ఛాయం శ్రేయఃప్రదాయి ప్రపదయుగమిదం ప్రాపయేత్పాపమంతమ్ || ౧౭ ||

శ్రీమత్యౌ చారువృత్తే కరపరిమలనానందహృష్టే రమాయాః
సౌందర్యాఢ్యేంద్రనీలోపలరచితమహాదండయోః కాంతిచోరే |
సూరీంద్రైః స్తూయమానే సురకులసుఖదే సూదితారాతిసంఘే
జంఘే నారాయణీయే ముహురపి జయతామస్మదంహో హరంత్యౌ || ౧౮ ||

సమ్యక్సాహ్యం విధాతుం సమమివ సతతం జంఘయోః ఖిన్నయోర్యే
భారీభూతోరుదండద్వయభరణకృతోత్తంభభావం భజేతే |
చిత్తాదర్శం నిధాతుం మహితమివ సతాం తే సముద్రాయమానే
వృత్తాకారే విధత్తాం హ్యది ముదమజితస్యానిశం జానునీ నః || ౧౯ ||

దేవో భీతిం విధాతుః సపది విదధతౌ కైటభాఖ్యం మధుం చా-
ప్యారోప్యారూఢగర్వావధిజలధి యయోరాదిదైత్యౌ జఘాన |
వృత్తావన్యోన్యతుల్యౌ చతురముపచయం బిభ్రతావభ్రనీలా-
వూరూ చారూ హరేస్తౌ ముదమతిశయినీం మానసే నో విధత్తామ్ || ౨౦ ||

పీతేన ద్యోతతే యచ్చతురపరిహితేనాంబరేణాత్యుదారం
జాతాలంకారయోగం జలమివ జలధేర్బాడబాగ్నిప్రభాభిః |
ఏతత్పాతిత్యదాన్నో జఘనమతిఘనాదేనసో మాననీయం
సాతత్యేనైవ చేతోవిషయమవతరత్పాతు పీతాంబరస్య || ౨౧ ||

యస్యా దామ్నా త్రిధామ్నో జఘనకలితయా భ్రాజతేzంగం యథాబ్ధే-
ర్మధ్యస్థో మందరాద్రిర్భుజగపతిమహాభోగసంనద్ధమధ్యః |
కాంచీ సా కాంచనాభా మణివరకిరణైరుల్లసద్భిః ప్రదీప్తా
కల్యాం కళ్యాణదాత్రీం మమ మతిమనిశం కమ్రరూపాం కరోతు || ౨౨ ||

ఉన్నమ్రం కమ్రముచ్చైరుపచితముదభూద్యత్ర పత్రైర్విచిత్రైః
పూర్వం గీర్వాణపూజ్యం కమలజమధుపస్యాస్పదం తత్పయోజమ్ |
యస్మిన్నీలాశ్మనీలైస్తరలరుచిజలైః పూరితే కేలిబుద్ధ్యా
నాలీకాక్షస్య నాభీసరసి వసతు నశ్చిత్తహంసశ్చిరాయ || ౨౩ ||

పాతాలం యస్య నాలం వలయమపి దిశాం పత్రపంక్తీర్నగేంద్రా-
న్విద్వాంసః కేసరాలీర్విదురిహ విపులాం కర్ణికాం స్వర్ణశైలమ్ |
భూయాద్గాయత్స్వయంభూమధుకరభవనం భూమయం కామదం నో
నాలీకం నాభిపద్మాకరభవమురు తన్నాగశయ్యస్య శౌరేః || ౨౪ ||

ఆదౌ కల్పస్య యస్మాత్ప్రభవతి వితతం విశ్వమేతద్వికల్పైః
కల్పాంతే యస్య చాంత ప్రవిశతి సకలం స్థావరం జంగమం చ |
అత్యంతాచింత్యమూర్తేశ్చిరతరమజితస్యాంతరిక్షస్వరూపే
తస్మిన్నస్మాకమంతఃకరణమతిముదా క్రీడతాత్క్రోడభాగే || ౨౫ ||

కాంత్యంభఃపూరపూర్ణే లసదసితవలీభంగభాస్వత్తరంగే
గంభీరాకారనాభీచతురతరమహావర్తశోభిన్యుదారే |
క్రీడత్వానద్వహేమోదరనహనమహాబాడబాగ్నిప్రభాఢ్యే
కామం దామోదరీయోదరసలిలనిధౌ చిత్తమత్స్యశ్చిరం నః || ౨౬ ||

నాభీనాలీకమూలాదధికపరిమళోన్మోహితానామలీనాం
మాలా నీలేవ యంతీ స్ఫురతి రుచిమతీ వక్త్రపద్మోన్ముఖీ యా |
రామ్యా సా రోమరాజిర్మహితరుచికరీ మధ్యభాగస్య విష్ణో-
శ్చిత్తస్థా మా విరంసీచ్చిరతరముచితాం సాధయంతీ శ్రీయం నః || ౨౭ ||

సంస్తీర్ణం కౌస్తుభాంశుప్రసరకిసలయైర్ముగ్ధముక్తాఫలాఢ్యం
శ్రీవత్సోల్లాసి ఫుల్లప్రతినవవనమాలాంకి రాజద్భుజాంతమ్ |
వక్షః శ్రీవృక్షకాంతం మధుకరనికరశ్యామలం శార్‍ఙ్గపాణేః
సంసారాధ్వశ్రమార్తైరుపవనమివ యత్సేవితం తత్ప్రపద్యే || ౨౮ ||

కాంతం వక్షో నితాంతం విదధదివ గలం కాలిమా కాలశత్రో-
రిందోర్బింబం యథాంకో మధుప ఇవ తరోర్మంజరీం రాజతే యః |
శ్రీమాన్నిత్యం విధేయాదవిరలమిలితః కౌస్తుభశ్రీప్రతానైః
శ్రీవత్సః శ్రీపతేః స శ్రియ ఇవ దయితో వత్స ఉచ్చైః శ్రియం నః || ౨౯ ||

సంభూయాంభోధిమధ్యాత్సపది సహజయా యః శ్రియా సంనిధత్తే
నీలే నారాయణోరః స్థలగగనతలే హారతోరోపసేవ్యే |
ఆశాః సర్వాః ప్రకాశా విదధదపిదధచ్చాత్మభాసాన్యతేజా-
స్యాశ్చర్యస్యాకరో నో ద్యుమణిరివ మణిః కౌస్తుభః సోzస్తుభూత్యై || ౩౦ ||

యా వాయావానుకూల్యాత్సరతి మణిరుచా భాసమానా సమానా
సాకం సాకంపమంసే వసతి విదధతీ వసుభద్రం సుభద్రమ్ |
సారం సారంగసంఘైర్ముఖరితకుసుమా మేచకాంతా చ కాంతా
మాలా మాలాలితాస్మాన్న విరమతు సుఖైర్యోజయంతీ జయంతీ || ౩౧ ||

హారస్యోరుప్రభాభిః ప్రతినవవనమాలాశుభిః ప్రాంశురూపైః
శ్రీభిశ్చాప్యంగదానాం కబలితరుచి యన్నిష్కభాభిశ్చ భాతి |
బాహుల్యేనైవ బద్ధాంజలిపుటమజితస్యాభియాచామహే త-
ద్వంధార్తిం బాధతాం నో బహువిహతికరీం బంధురం బాహుమూలమ్ || ౩౨ ||

విశ్వత్రాణైకదీక్షాస్తదనుగుణగుణక్షత్రనిర్మాణదక్షాః
కర్తారో దుర్నిరూపస్ఫుటగుణయశసా కర్మణామద్భుతానామ్ |
శార్‍ఙ్గం బాణం కృపాణం ఫలకమరిగదే పాద్మశంఖౌ సహస్రం
బిభ్రాణాః శస్త్రజాలం మమ దధతు హరేర్బాహవో మోహహానిమ్ || ౩౩ ||

కంఠాకల్పోద్గతైర్యః కనకమయలసత్కుండలోత్థైరుదారై-
రుద్యోతైః కౌస్తుభస్యాప్యురుభిరుపచితశ్చిత్రవర్ణో విభాతి |
కంఠాశ్లేషే రమాయాః కరవలయపదైర్ముద్రితే భ్రద్రరూపే
వైకుంఠీయేzత్ర కంఠే వసతు మమ మతిః కుంఠభావం విహాయ || ౩౪ ||

పద్మానందప్రదాతా పరిలసదరుణశ్రీపరీతాగ్రభాగః
కాలే కాలే చ కంబుప్రవరశశధరాపూరణే యః ప్రవీణః |
వక్త్రాకాశాంతరస్థస్తిరయతి నితరాం దంతతారౌఘశోభాం
శ్రీభర్తుర్దంతవాసోద్యుమణిరఘతమోనాశనాయాస్త్వసౌ నః || ౩౫ ||

నిత్యం స్నేహాతిరేకాన్నిజకమితురలం విప్రయోగాక్షమా యా
వక్త్రేందోరంతరాలే కృతవసతిరివాభాతి నక్షత్రరాజిః |
లక్ష్మీకాంతస్య కాంతాకృతిరతివిలసన్ముగ్ధముక్తావలిశ్రీ-
ర్దంతాలీ సంతతం సా నతినుతినిరతానక్షతాన్రక్షతాన్నః || ౩౬ ||

బ్రహ్మన్బ్రహ్మణ్యజిహ్మాం మతిమపి కురుషే దేవ సంభావయే త్వాం
శంభో శక్ర త్రిలోకీమవసి కిమమరైర్నారదాద్యాః సుఖం వః |
ఇత్థం సేవావనమ్రం సురమునినికరం వీక్ష్య విష్ణోః ప్రసన్న-
స్యాస్యేందోరాస్రవంతీ వరవచనసుధాహ్లాదయేన్మానసం నః || ౩౭ ||

కర్ణస్థస్వర్ణకమ్రోజ్జ్వలమకరమహాకుండలప్రోతదీప్య-
న్మాణిక్యశ్రీప్రతానైః పరిమిలితమలిశ్యామలం కోమలం యత్ |
ప్రోద్యత్సూర్యాంశురాజన్మరకతముకురాకారచోరం మురారే-
ర్గాఢామాగామినీం నః శమయతు విపదం గండయోర్మండలం తత్ || ౩౮ ||

వక్తాంభోజే లసంతం ముహురధరమణిం పక్వబింబాభిరామం
దృష్ట్వా ద్రష్టుం శుకస్య స్ఫుటమవతరతస్తుండదండాయతే యః |
ఘోణః శోణీకృతాత్మా శ్రవణయుగళసత్కుండలోస్రైర్మురారేః
ప్రాణాఖ్యస్యానిలస్య ప్రసరణసరణిః ప్రాణదానాయ నః స్యాత్ || ౩౯ ||

దిక్కాలౌ వేదయంతౌ జగతి ముహురిమౌ సంచరంతౌ రవీందూ
త్రైలోక్యాలోకదీపావభిదధతి యయోరేవ రూపం మునీంద్రాః |
అస్మానబ్జప్రభే తే ప్రచురతరకృపానిర్భరం ప్రేక్షమాణే
పాతామాతామ్రశుక్లాసితరుచిరుచిరే పద్మనేత్రస్య నేత్రే || ౪౦ ||

పాతాత్పాతాలపాతాత్పతగపతిగతేర్భ్రూయుగం భుగ్నమధ్యం
యేనేషంచ్ఛాలితేన స్వపదనియమితాః సాసురా దేవసంఘాః |
నృత్యల్లాలాటరంగే రజనికరతనోరర్ధఖండావదాతే
కాలవ్యాలద్వయం వా విలసతి సమయా వాలికామాతరం నః || ౪౧ ||

లక్ష్మాకారాలకాలిస్ఫురదలికశశాంకార్ధసందర్శమీల-
న్నేత్రాంభోజప్రబోధోత్సుకనిభృతతరాలీనభృంగచ్ఛటాభే |
లక్ష్మీనాథస్య లక్ష్యీకృతవిబుధగణాపాంగబాణాసనార్ధ-
చ్ఛాయే నో భూరిభూతిప్రసవకుశలతే భ్రూలతే పాలయేతామ్ || ౪౨ ||

రూక్షస్మారేక్షుచాపచ్యుతశరనికరక్షీణలక్ష్మీకటాక్ష-
ప్రోత్ఫుల్లత్పద్మమాలావిలసితమహితస్ఫాటికైశానలింగమ్ |
భూయాద్భూయో విభూత్యై మమ భువనపతేర్భ్రూలతాద్వంద్వమధ్యా-
దుత్థం తత్పుండ్రమూర్ధ్వం జనిమరణతమఃఖండనం మండనం చ || ౪౩ ||

పీఠీభూతాలకాంతే కృతమకుటమహాదేవలింగప్రతిష్ఠే
లాలాటే నాట్యరంగే వికటతరతటే కైటభారేశ్చిరాయ |
ప్రోద్ధాట్యైవాత్మతంద్రీప్రకటపటకుటీం ప్రస్ఫురంతీం స్ఫుటాంగం
పట్వీయం భావనాఖ్యాం చటులమతినటీ నాటికాం నాటయేన్నః || ౪౪ ||

మాలాలీవాలిధామ్నః కువలయకలితా శ్రీపతేః కుంతలాలీ
కాలిన్ద్యారుహ్య మూర్ధ్నో గలతి హరశిరః స్వర్ధునీస్పర్ధయా ను |
రాహుర్వా యాతి వక్త్రం సకలశశికలాభ్రాంతిలోలాంతరాత్మా
లౌకైరాలోక్యతే యా ప్రదిశతు సతతం సాఖిలం మంగళం నః || ౪౫ ||

సుప్తాకారాః ప్రసుప్తే భగవతి విబుధైరప్యదృష్టస్వరూపా
వ్యాప్తవ్యోమాంతరాలాస్తరలమణిరుచా రంజితాః స్పష్టభాసః |
దేహచ్ఛాయోద్గమాభా రిపువపురగురుప్లోషరోషాగ్నిధూమ్యాః
కేశాః కేశిద్విషో నో విదధతు విపులక్లేశపాశప్రణాశమ్ || ౪౬ ||

యత్ర ప్రత్యుప్తరత్నప్రవరపరిలసద్భూరిరోచిశ్ప్రతాన-
స్ఫూర్త్యాం మూర్తిర్మురారేర్ద్యుమణిశతచితవ్యోమవద్దుర్నిరీక్ష్యా |
కుర్వత్పారేపయోధి జ్వలదకృశశిఖాభాస్వదౌర్వాగ్నిశంకాం
శశ్వన్నః శర్మ దిశ్యాత్కలికలుషతమఃపాటనం తత్కిరీటమ్ || ౪౭ ||

భ్రాంత్వా భ్రాంత్వా యదంతస్త్రిభువనగురురప్యబ్దకోటీరనేకా
గంతుం నాంతం సమర్థో భ్రమర ఇవ పునర్నాభినాలీకనాలాత్ |
ఉన్మజ్జన్నూర్జితశ్రీస్త్రిభువనమపరం నిర్మమే తత్సదృక్షం
దేహాంభోధిః స దేయాన్నిరవధిరమృతం దైత్యవిద్వేషిణో నః || ౪౮ ||

మత్స్యః కూర్మో వరాహో నరహరిణపతిర్వామనో జామదగ్న్యః
కాకుత్స్థః కంసఘాతీ మనసిజవిజయీ యశ్చ కల్కిర్భవిష్యన్ |
విష్ణోరంశావతరా భువనహితకరా ధర్మసంస్థాపనార్థాః
పాయాసుర్మాం త ఏతే గురుతరకరుణాభారఖిన్నాశయా యే || ౪౯ ||

యస్మాద్వాచో నివృత్తాః సమమపి మనసా లక్షణామీక్షమాణాః
స్వార్థలాభాత్పరార్థవ్యపగమకథనశ్లాఘినో వేదవాదాః |
నిత్యానందం స్వసంవిన్నిరవధివిమలస్వాంతసంక్రాంతబింబ-
చ్ఛాయాపత్యాపి నిత్యం సుఖయతి యమినో యత్తదవ్యాన్మహో నః || ౫౦ ||

ఆపాదాదా చ శీర్షాద్వపురిదమనఘం వైష్ణవం యః స్వచిత్తే
ధత్తే నిత్యం నిరస్తాఖిలకలికలుష సంతతాంతః ప్రమోదమ్ |
జుహ్వజ్జిహ్వాకృశానౌ హరిచరితహవిః స్తోత్రమంత్రానుపాఠై-
స్తత్పాదాంభోరుహాభ్యాం సతతమపి నమస్కుర్మహే నిర్మలాభ్యామ్ || ౫౧ ||

మోదాత్పాదాదికేశస్తుతిమితిరచితా కీర్తయిత్వా త్రిధామ్న
పాదాబ్జద్వంద్వసేవాసమయనతమతిర్మస్తకేనానమేద్య |
ఉన్ముచ్యైవాత్మనైనోనిచయకవచక పంచతామేత్య భానో-
ర్బింబాంతర్గోచర స ప్రవిశతి పరమానందమాత్మస్వరూపమ్ || ౫౨ ||

మంగళవారం, జులై 09, 2013

విష్ణుభుజంగప్రయాతస్తోత్రం

Vishnu Bhujanga prayata stotram in telugu - విష్ణుభుజంగప్రయాతస్తోత్రం

చిదంశం విభుం నిర్మలం నిర్వికల్పం - నిరీహం నిరాకారమోంకారగమ్యమ్ |
గుణాతీతమవ్యక్తమేకం తురీయం - పరం బ్రహ్మ యం వేద తస్మై నమస్తే || ౧ ||

విశుద్ధం శివం శాంతమాద్యంతశూన్యం - జగజ్జీవనం జ్యోతిరానందరూపమ్ |
అదిగ్దేశకాలవ్యవచ్ఛేదనీయం - త్రయీ వక్తి యం వేద తస్మై నమస్తే || ౨ ||

మహాయోగపీఠే పరిభ్రాజమానే - ధరణ్యాదితత్త్వాత్మకే శక్తియుక్తే |
గుణాహస్కరే వహ్నిబింబార్ధమధ్యే - సమాసీనమోంకర్ణికేzష్టాక్షరాబ్జే || ౩ ||

సమానోదితానేకసూర్యేందుకోటిప్రభాపూరతుల్యద్యుతిం దుర్నిరీక్షమ్ |
న శీతం న చోష్ణం సువర్ణావదాతప్రసన్నం సదానందసంవిత్స్వరూపమ్ || ౪ ||

సునాసాపుటం సుందరభ్రూలలాటం - కిరీటోచితాకుంచితస్నిగ్ధకేశమ్ |
స్ఫురత్పుండరీకాభిరామాయతాక్షం - సముత్ఫుల్లరత్నప్రసూనావతంసమ్ || ౫ ||

లసత్కుండలామృష్టగండస్థలాంతం - జపారాగచోరాధరం చారుహాసమ్ |
అలివ్యాకులామోదిమందారమాలం - మహోరస్ఫురత్కౌస్తుభోదారహారమ్ || ౬ ||

సురత్నాంగదైరన్వితం బాహుదండైశ్చతుర్భిశ్చలత్కంకణాలంకృతాగ్రైః |
ఉదారోదరాలంకృతం పీతవస్త్రం - పదద్వంద్వనిర్ధూతపద్మాభిరామమ్ || ౭ ||

స్వభక్తేషు సందర్శితాకారమేవం - సదా భావయన్సంనిరుద్ధేంద్రియాశ్వః |
దురాపం నరో యాతి సంసారపారం - పరస్మై పరేభ్యోzపి తస్మై నమస్తే || ౮ ||

శ్రియా శాతకుంభద్యుతిస్నిగ్ధకాంత్యా - ధరణ్యా చ దూర్వాదలశ్యామలాంగ్యా |
కలత్రద్వయేనామునా తోషితాయ - త్రిలోకీగృహస్థాయ విష్ణో నమస్తే || ౯ ||

శరీరం కలత్రం సుతం బంధువర్గం - వయస్యం ధనం సద్మ భృత్యం భువం చ |
సమస్తం పరిత్యజ్య హా కష్టమేకో - గమిష్యామి దుఃఖేన దూరం కిలాహమ్ || ౧౦ ||

జరేయం పిశాచీవ హా జీవతో మే - వసామక్తి రక్తం చ మాంసం బలం చ |
అహో దేవ సీదామి దీనానుకంపిన్కిమద్యాపి హంత త్వయోదాసితవ్యమ్ || ౧౧ ||

కఫవ్యాహతోష్ణోల్బణశ్వాసవేగ - వ్యథావిస్ఫురత్సర్వమర్మాస్థిబంధామ్ |
విచింత్యాహమంత్యామసంఖ్యామవస్థాం - బిభేమి ప్రభో కిం కరోమి ప్రసీద || ౧౨ ||

లపన్నచ్యుతానంత గోవింద విష్ణో - మురారే హరే నాథ నారాయణేతి |
యథానుస్మరిష్యామి భక్త్యా భవంతం - తథా మే దయాశీల దేవ ప్రసీద || ౧౩ ||

భుజంగప్రయాతం పఠేద్యస్తు భక్త్యా - సమాధాయ చిత్తే భవంతం మురారే |
స మోహం విహాయాశు యుష్మత్ప్రసాదాత్సమాశ్రిత్య యోగం వ్రజత్యచ్యుతం త్వామ్ || ౧౪ ||

సోమవారం, జులై 08, 2013

విష్ణుషట్పదీ స్తోత్రం

Vishnu Shatpadi stotram in telugu - విష్ణుషట్పదీ స్తోత్రం

అవినయమపనయ విష్ణో దమయ మనః శమయ విషయమృగతృష్ణామ్ |
భూతదయాం విస్తారయ తారయ సంసారసాగరతః || ౧ ||

దివ్యధునీమకరందే పరిమళపరిభోగసచ్చిదానందే |
శ్రీపతిపదారవిందే భవభయఖేదచ్ఛిదే వందే || ౨ ||

సత్యపి భేదాపగమే నాథ తవాzహం న మామకీనస్త్వం |
సాముద్రో హి తరంగః క్వచన సముద్రో న తారంగః || ౩ ||

ఉద్ధృతనగ నగభిదనుజ దనుజకులామిత్ర మిత్రశశిదృష్టే |
దృష్టే భవతి ప్రభవతి న భవతి కిం భవతిరస్కారః || ౪ ||

మత్స్యాదిభిరవతారైరవతారవతాzవతా సదా వసుధాం |
పరమేశ్వర పరిపాల్యో భవతా భవతాపభీతోzహం || ౫ ||

దామోదర గుణమందిర సుందరవదనారవింద గోవింద |
భవజలధిమథనమందర పరమం దరమపనయ త్వం మే || ౬ ||

నారాయణ కరుణామయ శరణం కరవాణి తావకౌ చరణౌ |
ఇతి షట్పదీ మదీయే వదనసరోజే సదా వసతు || ౭ ||

శుక్రవారం, జులై 05, 2013

మోహముద్గరః (భజ గోవిందం)

Mohamudgara (Bhaja govindam) in telugu - మోహముద్గరః (భజ గోవిందం)

భజగోవిందం భజగోవిందం గోవిందం భజ మూఢమతే
సంప్రాప్తే సన్నిహితే కాలే నహి నహి రక్షతి డుకృఙ్కరణే || ౧ ||

మూఢ జహీహి ధనాగమతృష్ణాం కురు సద్బుద్ధిం మనసి వితృష్ణామ్
యల్లభసే నిజకర్మోపాత్తం విత్తం తేన వినోదయ చిత్తమ్ || ౨ ||

నారీస్తనభర నాభీదేశం దృష్ట్వా మా గా మోహావేశమ్
ఏతన్మాంసావసాది వికారం మనసి విచింతయ వారం వారమ్ || ౩ ||

నలినీదలగత జలమతితరలం తద్వజ్జీవితమతిశయచపలమ్
విద్ధి వ్యాధ్యభిమానగ్రస్తం లోకం శోకహతం చ సమస్తమ్ || ౪ ||

యావద్విత్తోపార్జన సక్తస్తావన్నిజ పరివారో రక్తః
పశ్చాజ్జీవతి జర్జర దేహే వార్తాం కోzపి న పృచ్ఛతి గేహే || ౫ ||

యావత్పవనో నివసతి దేహే తావత్పృచ్ఛతి కుశలం గేహే
గతవతి వాయౌ దేహాపాయే భార్యా బిభ్యతి తస్మింకాయే || ౬ ||

బాలస్తావత్క్రీడాసక్తః తరుణస్తావత్తరుణీసక్తః
వృద్ధస్తావచ్చింతాసక్తః పరే బ్రహ్మణి కోzపి న సక్తః || ౭ ||

కా తే కాంతా కస్తే పుత్రః సంసారోzయమతీవ విచిత్రః
కస్య త్వం కః కుత ఆయాతః తత్త్వం చింతయ తదిహ భ్రాతః || ౮ ||

సత్సంగత్వే నిస్సంగత్వం నిస్సంగత్వే నిర్మోహత్వమ్
నిర్మోహత్వే నిశ్చలతత్త్వం నిశ్చలతత్త్వే జీవన్ముక్తిః || ౯ ||

వయసిగతే కః కామవికారః శుష్కే నీరే కః కాసారః
క్షీణేవిత్తే కః పరివారః జ్ఞాతే తత్త్వే కః సంసారః || ౧౦ ||

మా కురు ధన జన యౌవన గర్వం హరతి నిమేషాత్కాలః సర్వమ్
మాయామయమిదమఖిలం బుధ్వా బ్రహ్మపదం త్వం ప్రవిశ విదిత్వా || ౧౧ ||

దినయామిన్యౌ సాయం ప్రాతః శిశిరవసంతౌ పునరాయాతః
కాలః క్రీడతి గచ్ఛత్యాయుః తదపి న ముంచత్యాశావాయుః || ౧౨ ||

కా తే కాంతా ధన గతచింతా వాతుల కిం తవ నాస్తి నియంతా
త్రిజగతి సజ్జనసం గతిరైకా భవతి భవార్ణవతరణే నౌకా || ౧౩ ||

జటిలో ముండీ లుంఛితకేశః కాషాయాంబరబహుకృతవేషః
పశ్యన్నపి చ న పశ్యతి మూఢః ఉదరనిమిత్తం బహుకృతవేషః || ౧౪ ||

అంగం గలితం పలితం ముండం దశనవిహీనం జాతం తుండమ్
వృద్ధో యాతి గృహీత్వా దండం తదపి న ముంచత్యాశాపిండమ్ || ౧౫ ||

అగ్రే వహ్నిః పృష్ఠేభానుః రాత్రౌ చుబుకసమర్పితజానుః
కరతలభిక్షస్తరుతలవాసః తదపి న ముంచత్యాశాపాశః || ౧౬ ||

కురుతే గంగాసాగరగమనం వ్రతపరిపాలనమథవా దానమ్
జ్ఞానవిహినః సర్వమతేన ముక్తిం న భజతి జన్మశతేన || ౧౭ ||

సుర మందిర తరు మూల నివాసః శయ్యా భూతల మజినం వాసః
సర్వ పరిగ్రహ భోగ త్యాగః కస్య సుఖం న కరోతి విరాగః || ౧౮ ||

యోగరతో వాభోగరతోవా సంగరతో వా సంగవీహినః
యస్య బ్రహ్మణి రమతే చిత్తం నందతి నందతి నందత్యేవ || ౧౯ ||

భగవద్ గీతా కించిదధీతా గంగా జలలవ కణికాపీతా
సకృదపి యేన మురారి సమర్చా క్రియతే తస్య యమేన న చర్చా || ౨౦ ||

పునరపి జననం పునరపి మరణం పునరపి జననీ జఠరే శయనమ్
ఇహ సంసారే బహుదుస్తారే కృపయాzపారే పాహి మురారే || ౨౧ ||

రథ్యా చర్పట విరచిత కంథః పుణ్యాపుణ్య వివర్జిత పంథః
యోగీ యోగనియోజిత చిత్తో రమతే బాలోన్మత్తవదేవ || ౨౨ ||

కస్త్వం కోzహం కుత ఆయాతః కా మే జననీ కో మే తాతః
ఇతి పరిభావయ సర్వమసారమ్ విశ్వం త్యక్త్వా స్వప్న విచారమ్ || ౨౩ ||

త్వయి మయి చాన్యత్రైకో విష్ణుః వ్యర్థం కుప్యసి మయ్యసహిష్ణుః
భవ సమచిత్తః సర్వత్ర త్వం వాంఛస్యచిరాద్యది విష్ణుత్వమ్ || ౨౪ ||

శత్రౌ మిత్రే పుత్రే బంధౌ మా కురు యత్నం విగ్రహసంధౌ
సర్వస్మిన్నపి పశ్యాత్మానం సర్వత్రోత్సృజ భేదాజ్ఞానమ్ || ౨౫ ||

కామం క్రోధం లోభం మోహం త్యక్త్వాzత్మానం పశ్యతి కోzహమ్
ఆత్మజ్ఞాన విహీనా మూఢాః తే పచ్యంతే నరకనిగూఢాః || ౨౬ ||

గేయం గీతా నామ సహస్రం ధ్యేయం శ్రీపతి రూపమజస్రమ్
నేయం సజ్జన సంగే చిత్తం దేయం దీనజనాయ చ విత్తమ్ || ౨౭ ||

సుఖతః క్రియతే రామాభోగః పశ్చాద్ధంత శరీరే రోగః
యద్యపి లోకే మరణం శరణం తదపి న ముంచతి పాపాచరణమ్ || ౨౮ ||

అర్థమనర్థం భావయ నిత్యం నాస్తితతః సుఖలేశః సత్యమ్
పుత్రాదపి ధన భాజాం భీతిః సర్వత్రైషా విహితా రీతిః || ౨౯ ||

ప్రాణాయామం ప్రత్యాహారం నిత్యానిత్య వివేకవిచారమ్
జాప్యసమేత సమాధివిధానం కుర్వవధానం మహదవధానమ్ || ౩౦ ||

గురుచరణాంబుజ నిర్భర భక్తః సంసారాదచిరాద్భవ ముక్తః
సేంద్రియమానస నియమాదేవం ద్రక్ష్యసి నిజ హృదయస్థం దేవమ్ || ౩౧ ||

భజగోవిందం భజగోవిందం గోవిందం భజమూఢమతే
నామస్మరణాదన్యముపాయం నహి పశ్యామో భవతరణే || ౩౨ ||

బుధవారం, జూన్ 12, 2013

శ్రీ విష్ణుసహస్రనామస్తోత్రం - పూర్వపీఠిక

శ్రీ విష్ణుసహస్రనామస్తోత్రం - పూర్వపీఠిక
శుక్లాంబరధరం విష్ణుం శశివర్ణం చతుర్భుజమ్ |
ప్రసన్నవదనం ధ్యాయేత్ సర్వవిఘ్నోపశాంతయే || ౧ ||

యస్య ద్విరదవక్త్రాద్యాః పారిషద్యాః పరః శతమ్ |
విఘ్నం నిఘ్నంతి సతతం విష్వకసేనం తమాశ్రయే || ౨ ||

వ్యాసం వసిష్ఠనప్తారం శక్తేః పౌత్రమకల్మషమ్ |
పరాశరాత్మజం వందే శుకతాతం తపోనిధిమ్ || ౩ ||

వ్యాసాయ విష్ణురూపాయ వ్యాసరూపాయ విష్ణవే |
నమో వై బ్రహ్మనిధయే వాసిష్ఠాయ నమో నమః || ౪ ||

అవికారాయ శుద్ధాయ నిత్యాయ పరమాత్మనే |
సదైకరూపరూపాయ విష్ణవే సర్వజిష్ణవే || ౫ ||

యస్య స్మరణమాత్రేణ జన్మసంసారబంధనాత్ |
విముచ్యతే నమస్తస్మై విష్ణవే ప్రభవిష్ణవే || ౬ ||

ఓమ్ నమో విష్ణవే ప్రభవిష్ణవే |
శ్రీవైశంపాయన ఉవాచ-
శ్రుత్వా ధర్మానశేషేణ పావనాని చ సర్వశః |
యుధిష్ఠిరః శాంతనవం పునరేవాభ్యభాషత || ౭ ||

యుధిష్ఠిర ఉవాచ-
కిమేకం దైవతం లోకే కిం వాప్యేకం పరాయణమ్ |
స్తువంతః కం కమర్చంతః ప్రాప్నుయుర్మానవాః శుభమ్ || ౮ ||

కో ధర్మః సర్వధర్మాణాం భవతః పరమో మతః |
కిం జపన్ముచ్యతే జంతుర్జన్మసంసారబంధనాత్ || ౯ ||

శ్రీ భీష్మ ఉవాచ-
జగత్ప్రభుం దేవదేవమనంతం పురుషోత్తమమ్ |
స్తువన్నామసహస్రేణ పురుషః సతతోత్థితః || ౧౦ ||

తమేవ చార్చయన్నిత్యం భక్త్యా పురుషమవ్యయమ్ |
ధ్యాయన్స్తువన్నమస్యంశ్చ యజమానస్తమేవ చ || ౧౧ ||

అనాదినిధనం విష్ణుం సర్వలోకమహేశ్వరమ్ |
లోకాధ్యక్షం స్తువన్నిత్యం సర్వదుఃఖాతిగో భవేత్ || ౧౨ ||

బ్రహ్మణ్యం సర్వధర్మజ్ఞం లోకానాం కీర్తివర్ధనమ్ |
లోకనాథం మహద్భూతం సర్వభూతభవోద్భవమ్ || ౧౩ ||

ఏష మే సర్వధర్మాణాం ధర్మోzధికతమో మతః |
యద్భక్త్యా పుండరీకాక్షం స్తవైరర్చేన్నరః సదా || ౧౪ ||

పరమం యో మహత్తేజః పరమం యో మహత్తపః |
పరమం యో మహద్బ్రహ్మ పరమం యః పరాయణమ్ || ౧౫ ||

పవిత్రాణాం పవిత్రం యో మంగళానాం చ మంగళమ్ |
దైవతం దైవతానాం చ భూతానాం యోzవ్యయః పితా || ౧౬ ||

యతః సర్వాణి భూతాని భవన్త్యాదియుగాగమే |
యస్మింశ్చ ప్రళయం యాంతి పునరేవ యుగక్షయే || ౧౭ ||

తస్య లోకప్రధానస్య జగన్నాథస్య భూపతే |
విష్ణోర్నామసహస్రం మే శృణు పాపభయాపహమ్ || ౧౮ ||

యాని నామాని గౌణాని విఖ్యాతాని మహాత్మనః |
ఋషిభిః పరిగీతాని తాని వక్ష్యామి భూతయే || ౧౯ ||

ఋషిర్నామ్నాం సహస్రస్య వేదవ్యాసో మహామునిః |
ఛందోzనుష్టుప్ తథా దేవో భగవాన్దేవకీసుతః || ౨౦ ||

అమృతాంశూద్భవో బీజం శక్తిర్దేవకినందనః |
త్రిసామా హృదయం తస్య శాంత్యర్థే వినియోజ్యతే || ౨౧ ||

అనేకరూప దైత్యాంతం నమామి పురుషోత్తమమ్ || ౨౨ ||
విష్ణుం జిష్ణుం మహావిష్ణుం ప్రభవిష్ణుం మహేశ్వరమ్ |

శ్రీవేదవ్యాస ఉవాచ ---
ఓమ్ అస్య శ్రీవిష్ణోర్దివ్యసహస్రనామస్తోత్రమహామంత్రస్య ||
శ్రీ వేదవ్యాసో భగవానృషిః | అనుష్టుప్ ఛందః |
శ్రీమహావిష్ణుః పరమాత్మా శ్రీమన్నారాయణో దేవతా |
అమృతాంశూద్భవో భానురితి బీజమ్ |
దేవకీనందనః స్రష్టేతి శక్తిః |
ఉద్భవః క్షోభణో దేవ ఇతి పరమో మంత్రః |
శంఖభృన్నందకీ చక్రీతి కీలకమ్ |
శార్ంగధన్వా గదాధర ఇత్యస్త్రమ్ |
రథాంగపాణిరక్షోభ్య ఇతి నేత్రమ్ |
త్రిసామా సామగః సామేతి కవచమ్ |
ఆనందం పరబ్రహ్మేతి యోనిః |
ఋతుః సుదర్శనః కాల ఇతి దిగ్బంధః ||
శ్రీవిశ్వరూప ఇతి ధ్యానమ్ |
శ్రీమహావిష్ణుప్రీత్యర్థం సహస్రనామజపే వినియోగః ||

 || అథ ధ్యానమ్ |
క్షీరోదన్వత్ప్రదేశే శుచిమణివిలసత్సైకతేర్మౌక్తికానాం
మాలాక్ళుప్తాసనస్థః స్ఫటికమణినిభైర్మౌక్తికైర్మండితాంగః |
శుభ్రైరభ్రైరదభ్రైరుపరివిరచితైర్ముక్తపీయూష వర్షైః
ఆనందీ నః పునీయాదరినలినగదా శంఖపాణిర్ముకుందః || ౧ ||

భూః పాదౌ యస్య నాభిర్వియదసురనిలశ్చంద్ర సూర్యౌ చ నేత్రే
కర్ణావాశాః శిరో ద్యౌర్ముఖమపి దహనో యస్య వాస్తేయమబ్ధిః |
అంతఃస్థం యస్య విశ్వం సురనరఖగగోభోగిగంధర్వదైత్యైః
చిత్రం రంరమ్యతే తం త్రిభువన వపుషం విష్ణుమీశం నమామి || ౨ ||

ఓమ్ శాంతాకారం భుజగశయనం పద్మనాభం సురేశం
విశ్వాధారం గగనసదృశం మేఘవర్ణం శుభాంగమ్ |
లక్ష్మీకాంతం కమలనయనం యోగిభిర్ధ్యానగమ్యం
వందే విష్ణుం భవభయహరం సర్వలోకైకనాథమ్ || ౩ ||

మేఘశ్యామం పీతకౌశేయవాసం
శ్రీవత్సాంకం కౌస్తుభోద్భాసితాంగమ్ |
పుణ్యోపేతం పుండరీకాయతాక్షం
విష్ణుం వందే సర్వలోకైకనాథమ్ || ౪ ||

నమః సమస్తభూతానామాదిభూతాయ భూభృతే |
అనేకరూపరూపాయ విష్ణవే ప్రభవిష్ణవే || ౫ ||

సశంఖచక్రం సకిరీటకుండలం
సపీతవస్త్రం సరసీరుహేక్షణమ్ |
సహారవక్షఃస్థలకౌస్తుభశ్రియం
నమామి విష్ణుం శిరసా చతుర్భుజమ్ || ౬ ||

ఛాయాయాం పారిజాతస్య హేమసింహాసనోపరి
ఆసీనమంబుదశ్యామమాయతాక్షమలంకృతమ్ |
చంద్రాననం చతుర్బాహుం శ్రీవత్సాంకిత వక్షసం
రుక్మిణీ సత్యభామాభ్యాం సహితం కృష్ణమాశ్రయే || ౭ ||

మంగళవారం, జూన్ 11, 2013

శ్రీవిష్ణుసహస్రనామస్తోత్రం - ఉత్తరపీఠిక

శ్రీవిష్ణుసహస్రనామస్తోత్రం - ఉత్తరపీఠిక
 || ఉత్తరన్యాసః ||
శ్రీ భీష్మ ఉవాచ-
ఇతీదం కీర్తనీయస్య కేశవస్య మహాత్మనః |
నామ్నాం సహస్రం దివ్యానామశేషేణ ప్రకీర్తితమ్ || ౧ ||

య ఇదం శృణుయాన్నిత్యం యశ్చాపి పరికీర్తయేత్ |
నాశుభం ప్రాప్నుయాత్కించిత్సోzముత్రేహ చ మానవః || ౨ ||

వేదాంతగో బ్రాహ్మణః స్యాత్క్షత్రియో విజయీ భవేత్ |
వైశ్యో ధనసమృద్ధః స్యాచ్ఛూద్రః సుఖమవాప్నుయాత్ || ౩ ||

ధర్మార్థీ ప్రాప్నుయాద్ధర్మమర్థార్థీ చార్థమాప్నుయాత్ |
కామానవాప్నుయాత్కామీ ప్రజార్థీ చాప్నుయాత్ప్రజామ్ || ౪ ||

భక్తిమాన్ యః సదోత్థాయ శుచిస్తద్గతమానసః |
సహస్రం వాసుదేవస్య నామ్నామేతత్ప్రకీర్తయేత్ || ౫ ||

యశః ప్రాప్నోతి విపులం జ్ఞాతిప్రాధాన్యమేవ చ |
అచలాం శ్రియమాప్నోతి శ్రేయః ప్రాప్నోత్యనుత్తమమ్ || ౬ ||

న భయం క్వచిదాప్నోతి వీర్యం తేజశ్చ విందతి |
భవత్యరోగో ద్యుతిమాన్బలరూపగుణాన్వితః || ౭ ||

రోగార్తో ముచ్యతే రోగాద్బద్ధో ముచ్యేత బంధనాత్ |
భయాన్ముచ్యేత భీతస్తు ముచ్యేతాపన్న ఆపదః || ౮ ||

దుర్గాణ్యతితరత్యాశు పురుషః పురుషోత్తమమ్ |
స్తువన్నామసహస్రేణ నిత్యం భక్తిసమన్వితః || ౯ ||

వాసుదేవాశ్రయో మర్త్యో వాసుదేవపరాయణః |
సర్వపాపవిశుద్ధాత్మా యాతి బ్రహ్మ సనాతనమ్ || ౧౦ ||

న వాసుదేవభక్తానామశుభం విద్యతే క్వచిత్ |
జన్మమృత్యుజరావ్యాధిభయం నైవోపజాయతే || ౧౧ ||

ఇమం స్తవమధీయానః శ్రద్ధాభక్తిసమన్వితః |
యుజ్యేతాత్మసుఖక్షాంతిశ్రీధృతిస్మృతికీర్తిభిః || ౧౨ ||

న క్రోధో న చ మాత్సర్యం న లోభో నాశుభా మతిః |
భవంతి కృత పుణ్యానాం భక్తానాం పురుషోత్తమే || ౧౩ ||

ద్యౌః సచంద్రార్కనక్షత్రా ఖం దిశో భూర్మహోదధిః |
వాసుదేవస్య వీర్యేణ విధృతాని మహాత్మనః || ౧౪ ||

ససురాసురగంధర్వం సయక్షోరగరాక్షసమ్ |
జగద్వశే వర్తతేదం కృష్ణస్య సచరాచరమ్ || ౧౫ ||

ఇంద్రియాణి మనో బుద్ధిః సత్త్వం తేజో బలం ధృతిః |
వాసుదేవాత్మకాన్యాహుః క్షేత్రం క్షేత్రజ్ఞ ఏవ చ || ౧౬ ||

సర్వాగమానామాచారః ప్రథమం పరికల్పతే |
ఆచారప్రభవో ధర్మో ధర్మస్య ప్రభురచ్యుతః || ౧౭ ||

ఋషయః పితరో దేవా మహాభూతాని ధాతవః |
జంగమాజంగమం చేదం జగన్నారాయణోద్భవమ్ || ౧౮ ||

యోగో జ్ఞానం తథా సాంఖ్యం విద్యాః శిల్పాది కర్మ చ |
వేదాః శాస్త్రాణి విజ్ఞానమేతత్సర్వం జనార్దనాత్ || ౧౯ ||

ఏకో విష్ణుర్మహద్భూతం పృథగ్భూతాన్యనేకశః |
త్రీంల్లోకాన్వ్యాప్య భూతాత్మా భుంక్తే విశ్వభుగవ్యయః || ౨౦ ||

ఇమం స్తవం భగవతో విష్ణోర్వ్యాసేన కీర్తితమ్ |
పఠేద్య ఇచ్ఛేత్పురుషః శ్రేయః ప్రాప్తుం సుఖాని చ || ౨౧ ||

విశ్వేశ్వరమజం దేవం జగతః ప్రభుమవ్యయమ్ |
భజంతి యే పుష్కరాక్షం న తే యాంతి పరాభవమ్ || ౨౨ ||
న తే యాంతి పరాభవమ్ ఓమ్ నమ ఇతి |

అర్జున ఉవాచ-
పద్మపత్రవిశాలాక్ష పద్మనాభ సురోత్తమ |
భక్తానామనురక్తానాం త్రాతా భవ జనార్దన || ౨౩ ||

శ్రీభగవానువాచ-
యో మాం నామసహస్రేణ స్తోతుమిచ్ఛతి పాండవ |
సోహzమేకేన శ్లోకేన స్తుత ఏవ న సంశయః || ౨౪ ||
స్తుత ఏవ న సంశయ ఓమ్ నమ ఇతి |

వ్యాస ఉవాచ-
వాసనాద్వాసుదేవస్య వాసితం భువనత్రయమ్ |
సర్వభూతనివాసోzసి వాసుదేవ నమోzస్తు తే || ౨౫ ||
శ్రీ వాసుదేవ నమోzస్తుత ఓమ్ నమ ఇతి |

పార్వత్యువాచ-
కేనోపాయేన లఘునా విష్ణోర్నామసహస్రకమ్ |
పఠ్యతే పండితైర్నిత్యం శ్రోతుమిచ్ఛామ్యహం ప్రభో || ౨౬ ||

ఈశ్వర ఉవాచ-
శ్రీరామ రామ రామేతి రమే రామే మనోరమే |
సహస్రనామ తత్తుల్యం రామ నామ వరాననే || ౨౭ ||
శ్రీరామనామ వరానన ఓమ్ నమ ఇతి |

బ్రహ్మోవాచ-
నమోzస్త్వనంతాయ సహస్రమూర్తయే సహస్రపాదాక్షిశిరోరుబాహవే |
సహస్రనామ్నే పురుషాయ శాశ్వతే సహస్రకోటీ యుగధారిణే నమః || ౨౮ ||
సహస్రకోటీ యుగధారిణే ఓమ్ నమ ఇతి |

సంజయ ఉవాచ-
యత్ర యోగేశ్వరః కృష్ణో యత్ర పార్థో ధనుర్ధరః |
తత్ర శ్రీర్విజయో భూతిర్ధ్రువా నీతిర్మతిర్మమ || ౨౯ ||

శ్రీభగవానువాచ-
అనన్యాశ్చింతయంతో మాం యే జనాః పర్యుపాసతే |
తేషాం నిత్యాభియుక్తానాం యోగక్షేమం వహామ్యహమ్ || ౩౦ ||

పరిత్రాణాయ సాధూనాం వినాశాయ చ దుష్కృతామ్ |
ధర్మసంస్థాపనార్థాయ సంభవామి యుగే యుగే || ౩౧ ||

ఆర్తాః విషణ్ణాః శిథిలాశ్చ భీతాః ఘోరేషు చ వ్యాధిషు వర్తమానాః |
సంకీర్త్య నారాయణశబ్దమాత్రం విముక్తదుఃఖాః సుఖినో భవంతు || ౩౨ ||

కాయేన వాచా మనసేంద్రియైర్వా బుద్ధ్యాత్మనా వా ప్రకృతిస్వభావాత్ |
కరోమి యద్యత్ సకలం పరస్మై నారాయణాయేతి సమర్పయామి || ౩౩ ||

 || ఇతి శ్రీవిష్ణోర్దివ్యసహస్రనామస్తోత్రం సంపూర్ణమ్ ||

శుక్రవారం, మే 31, 2013

నారాయణస్తోత్రం

త్రిభువనభవనాభిరామకోశం సకలకళంకహరం పరం ప్రకాశమ్ |
అశరణశరణం శరణ్యమీశం హరిమజమచ్యుతమీశ్వరం ప్రపద్యే || ౧ ||
కువలయదలనీలసంనికాశం శరదమలామ్బరకోటరోపమానమ్ |
భ్రమరతిమిరకజ్జలాఞ్జనాభం సరసిజచక్రగదాధరం ప్రపద్యే || ౨ ||

విమలమలికలాపకోమలాఙ్గం సితజలపఙ్కజకుడ్మలాభశఙ్ఖమ్
శ్రుతిరణితవిరఞ్చిచఞ్చరీకం స్వహృదయపద్మదలాశ్రయం ప్రపద్యే || ౩ ||

సితనఖగణతారకావికీర్ణం స్మితధవలాననపీవరేన్దుబిమ్బమ్
హృదయమణిమరీచిజాలగఙ్గం హరిశరదమ్బరమాతతం ప్రపద్యే || ౪ ||

అవిరలకృతసృష్టిసర్వలీనం సతతమజాతమవర్థనం విశాలమ్
గుణశతజరఠాభిజాతదేహం తరుదలశాయిన మర్భకం ప్రపద్యే || ౫ ||

నవవికసితపద్మరేణుగౌరం స్ఫుటకమలావపుషా విభూషితాఙ్గమ్
దినశమసమయారుణాఙ్గరాగం కనకనిభామ్బరసున్దరం ప్రపద్యే || ౬ ||

దితిసుతనలినీతుషారపాతం సురనలినీసతతోదితార్కబిమ్బమ్
కమలజనలినీజలావపూరం హృది నలినీనిలయం విభుం ప్రపద్యే || ౭ ||

త్రిభువననలినీసితారవిన్దం తిమిరసమానవిమోహదీపమగ్ర్యమ్
స్ఫుటతరమజడం చిదాత్మతత్త్వం జగదఖిలార్తిహరం హరిం ప్రపద్యే || ౮ ||

మంగళవారం, మే 28, 2013

విష్ణుః అష్టావింశతినామ స్తోత్రం

అర్జున ఉవాచ-
కిం ను నామ సహస్రాణి జపతే చ పునః పునః |
యాని నామాని దివ్యాని తాని చాచక్ష్వ కేశవ || ౧ ||

శ్రీ భగవానువాచ-
మత్స్యం కూర్మం వరాహం చ వామనం చ జనార్దనమ్ |
గోవిందం పుండరీకాక్షం మాధవం మధుసూదనమ్ || ౨ ||

పద్మనాభం సహస్రాక్షం వనమాలిం హలాయుధమ్ |
గోవర్ధనం హృషీకేశం వైకుంఠం పురుషోత్తమమ్ || ౩ ||

విశ్వరూపం వాసుదేవం రామం నారాయణం హరిమ్ |
దామోదరం శ్రీధరం చ వేదాంగం గరుడధ్వజమ్ || ౪ ||

అనంతం కృష్ణగోపాలం జపతో నాస్తి పాతకమ్ |
గవాం కోటిప్రదానస్య అశ్వమేధశతస్య చ || ౫ ||

కన్యాదానసహస్రాణాం ఫలం ప్రాప్నోతి మానవః |
అమాయాం వా పౌర్ణమాస్యామేకాదశ్యాం తథైవ చ || ౬ ||

సంధ్యాకాలే స్మరేన్నిత్యం ప్రాతఃకాలే తథైవ చ |
మధ్యాహ్నే చ జపన్నిత్యం సర్వపాపైః ప్రముచ్యతే || ౭ ||

సోమవారం, మే 27, 2013

విష్ణుః షోడశనామస్తోత్రం

ఔషధే చింతయేద్విష్ణుం భోజనే చ జనార్దనమ్ |
శయనే పద్మనాభం చ వివాహే చ ప్రజాపతిమ్ || ౧ ||
యుద్ధే చక్రధరం దేవం ప్రవాసే చ త్రివిక్రమమ్ |
నారాయణం తనుత్యాగే శ్రీధరం ప్రియసంగమే || ౨ ||

దుఃస్వప్నే స్మర గోవిందం సంకటే మధుసూదనమ్ |
కాననే నారసింహం చ పావకే జలశాయినమ్ || ౩ ||

జలమధ్యే వరాహం చ పర్వతే రఘునందనమ్ |
గమనే వామనం చైవ సర్వకార్యేషు మాధవమ్ || ౪ ||

షోడశైతాని నామాని ప్రాతరూత్థాయ యః పఠేత్ |
సర్వపాపవినిర్ముక్తో విష్ణులోకే మహీయతే || ౫ ||

ఆదివారం, మే 26, 2013

శ్రీమన్నారాయణాష్టాక్షరీ స్తుతి

ఓం ఓం నమః ప్రణవార్థార్థ స్థూలసూక్ష్మ క్షరాక్షర
 వ్యక్తావ్యక్త కళాతీత ఓంకారాయ నమో నమః || ౧ ||
న నమో దేవాదిదేవాయ దేహసంచారహేతవే
 దైత్యసంఘవినాశాయ నకారాయ నమో నమః || ౨ ||

మో మోహనం విశ్వరూపం చ శిష్టాచారసుపోషితమ్
 మోహవిధ్వంసకం వందే మోకారాయ నమో నమః || ౩ ||

నా నారాయణాయ నవ్యాయ నరసింహాయ నామినే
 నాదాయ నాదినే తుభ్యం నాకారాయ నమో నమః || ౪ ||

రా రామచంద్రం రఘుపతిం పిత్రాజ్ఞాపరిపాలకమ్
 కౌసల్యాతనయం వందే రాకారాయ నమో నమః || ౫ ||

య యజ్ఞాయ యజ్ఞగమ్యాయ యజ్ఞరక్షాకరాయ చ
 యజ్ఞాంగరూపిణే తుభ్యం యకారాయ నమో నమః || ౬ ||

ణా ణాకారం లోకవిఖ్యాతం నానాజన్మఫలప్రదమ్
 నానాభీష్టప్రదం వందే ణాకారాయ నమో నమః || ౭ ||

య యజ్ఞకర్త్రే యజ్ఞభర్త్రే యజ్ఞరూపాయ తే నమః
 సుజ్ఞానగోచరాయాzస్తు యకారాయ నమో నమః || ౮ ||

బుధవారం, ఏప్రిల్ 03, 2013

శ్రీ లక్ష్మీ నరసింహ సుప్రభాత స్తోత్రo

 
కౌశల్యా సుప్రజారామ! పూర్వా సంధ్యా ప్రవర్తతే
ఉత్తిష్ఠ నరశార్దూల! కర్తవ్యం దైవ మాహ్నికమ్
ఉత్తి ష్టోత్తిష్ట గోవింద! ఉత్తిష్ఠ గరుడధ్వజ
ఉత్తిష్ఠ కామాలాకాన్త!త్ర్యైలోక్యం మగళంకురు

యాదాద్రి నాథ శుభ మందిర కల్పవల్లి!
పద్మాలయే! జనని! పద్మభవాది వంధ్యే!
భక్తార్తి భంజని! దయామయది వ్యరూపే !
లక్ష్మీ నృసింహదయితే! తవ సుప్రభాతమ్.

జ్వాలా నృసింహ! కరుణామయ! దివ్యమూర్తే !
యోగాభి నందన! నృసింహ! దయాసముద్ర!
లక్ష్మీ నృసింహ! శరణాగత పారిజాత !
యాదాద్రి నాథ ! నృహరే ! తవ సుప్రభాతమ్

శ్రీ రంగావెంకట మహీధర హస్తి శూల -
శ్రీ యాదవాద్రి ముఖసత్త్వనికేతనాని
స్థానానితే కిల వదన్తి పరావరజ్ఞః
యాదాద్రి నాథ! నృహరే! తవ సుప్రభాతమ్.

బ్రహ్మాదయ స్సురవరా ముని పుంగవాశ్చ
త్వం సేవితుం వివిధ మంగళ వస్తు హస్తాః
ద్వారే వసన్తి నరసింహ! భవాబ్ది పోత !
యాదాద్రి నాథ ! నృహరే! తవ సుప్రభాతమ్

ప్రహ్లాద నారద పరాశర పుంజరీక
వ్యాసాది భక్తర సికా భవదీయ సేవామ్ |
వాంఛ న్త్యన న్యాహృదయాః కరుణా సముద్ర
యాదాద్రి నాథ ! నృహరే ! తవ సుప్రభాతమ్

త్వద్దాస్య భోగర సికా స్శర జిన్ముఖార్యాః
రామానుజాది మహనీయ గురుప్రధానాః
సేవార్ధ మత్ర భవదీయ గృహంగ ణస్థాః
యాదాద్రి నాథ ! నృహరే ! తవ సుప్రభాతమ్

భక్తా స్త్వదీయ పద పజ్క జసక్త చిత్తాః
కాల్యం విధాయ తవ కందర మంది రాగ్రే
త్వద్దర్శనో త్సుక తయా నిబిడం శ్రయన్తే
యాదాద్రి నాథ నృహరే! తవ సుప్రభాతమ్

శ్రీ యాదవాద్రి శిఖరే త్వమ హొ బిలేపి
సింహాచలే చ శుభమంగళ శైలరాజే
వేదాచలాది గిరి మూర్ధసు సుస్థితోసి
యాదాద్రి నాథ ! నృహరే తవ సుప్రభాతమ్

కామ్యార్ధినో వరద కల్పక కల్పకం త్వాం
సేవార్దినః సుజన సేవ్య పదద్వయం త్వాం
భక్త్యా విన మ్రశిర సః ప్రణమన్తి సర్వే
యాదాద్రి నాథ ! నృహరే ! తవ సుప్రభాతమ్

త్వన్నామ మంత్ర పటనేన లుటన్తి పాపాః
త్వన్నామమన్త్ర పటనేన లుటన్తి దైత్యాః
త్వన్నామ మంత్ర పటనేన లుటన్తి రోగాః
యాదాద్రి నాథ ! నృహరే ! తవ సుప్రభాతమ్

లక్ష్మీ నృసింహ! జగదీశ ! సురేశ ! విష్ణో !
జిష్ణో! జనార్ధన ! పరాత్పర ! విశ్వరూప !
విశ్వ ప్రభాత కరణాయ క్రుతావతార!
యాదాద్రి నాథ ! నృహరే ! తవ సుప్రభాతమ్.

ఇత్ధం యాదాద్రి నాథ స్య  - సుప్రభాత మతన్ద్రితాః
యే పటంతి సదా భక్త్యా - తే నరా స్సుఖ భాగినః

                 ఇతి శ్రీలక్ష్మీ నరసింహ సుప్రభాతమ్.

మంగళవారం, ఏప్రిల్ 02, 2013

శ్రీ సత్యనారాయణ సుప్రభాత స్తోత్రమ్

 
ఉత్తిష్టాన్నవరాధీశ ! ఉత్తిష్ఠ వ్రతమోదిత !
ఉత్తిష్టోతిష్ట విశ్వేశ ! సత్యదేవ! దయానిధే     1
బ్రాహ్మే ముహూర్త ఉత్దాయ - కరిష్యంతి తవ వ్రతం
సత్యవ్రతానుమోదార్ధం - ఉత్తిష్టోత్తిష్ట సత్వరమ్    2

ఉత్తిష్ఠ నిర్గుణాకార ! భక్తానాం ఫాలనాం కురు
ఉత్తిష్టోత్తిష్ట శుద్దాత్మన్ ! రత్నాద్రి వ సతిప్రియ 3
ఉత్తిష్ఠ కమలాకాంత ! ఉత్తిష్ఠ పురుషోత్తమ
ఉత్తిష్టానంత పాలేశ ! త్రైలోక్యం పరిపాలయ  4

వినా సత్యదేవం కలౌ నాస్తి ముక్తి:
సదా సత్యదేవం స్మరామి స్మరామి
కరోమీశ ! సత్యవ్రతం దీనబంధో !
న చాన్యం స్మరామో న చాన్యం భజామః    5

భజామి త్వదంఘ్రిం న యాచే న్యదేవం
సదాదేవ! యాచే కృపాళో ! భవంతం |
ప్రభో దీనబంధో విభో లోకరక్షిన్
శరణ్యం త్వమే వాస్య దీనస్య నాథ      6

న జానామి ధర్మం న జానామి చాన్యం
త్వమేక స్సరణ్యం గతిస్త్వం త్వ మేకః
ఆనాథం దరిద్రం జరారో గ యుక్తం
క్రుపాపాత్ర మేతం కురు శ్రీనివాస      7

న తాతో న మాతా న బంధు ర్న దాతా
గతిస్త్వం త్వమేక శ్శరణ్యం త్వమేకః

హరీశం హరేశం సురేశం గిరీశం
భజేహం సదాహం న జానామి చాన్యమ్    8

ప్రాతః స్మరామి వ ల సత్య పదాబ్జ యుగ్మం
శీర్షో పరిస్థిత గురో ర పర స్వరూపం
వేదాంత వేద్య మభయం ధృత దేవరూపం
సత్యావతార జగతీ తలపావనం చ                 9

ప్రాత ర్నమామి వరసత్య విభుం పవిత్రం
రక్షో గణాయ భయదం వరదం జనేభ్యః
సత్యావటీ సహిత వీరవర స్వరూపం
దీనాను పాలన రతం పరమాది దేవమ్    10

ప్రాతర్భజామి వర సత్య పదారవిందం
పద్మాంకుశాది శుభలాంఛ నరంజితం తత్
యోగీంద్ర మాన సమధువ్రత సేవ్యమానం
పాపాపహం సకలదీన జనావలంబమ్      11

ప్రాతర్వదామి వచసా వర సత్యనామ
వాగ్దోషహారి సకలాఖ నివారణంచ
సత్యవ్రతాచరణ పావల ! భక్త జాల
వాంఛా ప్రదాత్రు సకలా దృతభవ్య తేజః    12

ప్రాతః కరోమి కలికల్మషనాశకర్మ
తద్దర్మదం భవతు భక్తి కరం పరం మే
అంతః స్థితేన శుభభాను చిదాత్మకేన
సత్యేన లోక గురుణా మమ సిద్ధిరస్తు    13

లక్ష్మీ సమేత! జగతాం సుఖదానశీల !
పద్మాయతేక్షణ ! మనోహర దివ్యమూర్తే !
లోకేశ్వర ! శ్రితజనప్రియ ! సత్యదేవ !
శ్రీ రత్న పర్వత నికేతన ! సుప్రభాతమ్     14

పాపాపహార ! కలిదోషహరాతి దక్ష
శ్రీమన్నగాలయ! మనోహర సత్యమూర్తే !
కారుణ్యవీక్షణ ! మహామహిమాడ్య ! దేవ!
నిత్యం ప్రభాత సమయే తవ సుప్రభాతమ్  15

తాపత్రయాపహర ! సత్యవతీ ప్రసన్న !
దామోద రామర పతే ! కమలాసుసేవ్య !
ఉత్తిష్ఠ పాలయ దరిద్ర జనాళిబంధో !
సత్యవ్రతప్రియ ! విభో ! తవ సుప్రభాతమ్     16

శ్రీ పద్మనాభ ! పురుషోత్తమ ! సత్యదేవ !
పంపానదీ తటనివాస ! సమస్తరూప !
సంసార బంధ నవిమోచన ! దీనబంధో !
శ్రీకృష్ణ ! పాలక ! విభో ! తవ సుప్రభాతమ్   17

శ్రీరామా ఏవ భవదీయ దయావిశేషత్
సేతుం బబంధ జిత రావణరాక్ష సౌఘః
సత్యవ్రత స్య మహిమా గదితుం న శక్యః
సత్యవ్రత ప్రియపతే తవ సుప్రభాతమ్    18

సత్యవ్రతస్య ఫలదానవశాను బద్ధ !
సంతాన లాభకర ! హే ప్రభు సత్యదేవ !

సక్తాళి రిచ్చతి తవ వ్రత సాధనంభో: !
ఉత్తిష్ఠ సాధయ విభో ! తవ సుప్రభాతమ్    19

సంసేవ్య సాధు హృది సంస్ఫుర దాత్మతత్త్వం
సచ్చి త్సుఖం పర మనంత మతీంద్రి యం చ
ప్రాప్నోతి భక్త ఇహముక్తి పదం స్థిరంచ
మాం రక్ష నిత్యకృపయా తవ సుప్రభాతమ్    20

సత్యప్రభుస్తు మనసో వచసా మగమ్యః
వాచో విభాంతి నిఖిలా యదను గ్రహేణ
యస్య వ్రతాచరణభాగ్య మహాం స్మరామి
నారాయణాచ్యుత !విభో ! తవ సుప్రభాతమ్    21

సాంబే న యుక్త వర సత్యవిభు స్వరూపః
సేవ్యః సదాహరి హరాత్మక దివ్యమూర్తి :
ఏతాదృశ స్థితి రగమ్య మహావిచిత్రః
త్వందేవ ! పాలయ విభో ! తవ సుప్రభాతమ్  22

శ్రీ మన్నభీష్ట వరదాఖిల లోకబంధో !
శ్రీ శ్రీనివాస ! జనతాపహ! వీరవర్య !
శ్రీ భ్రాజదన్న వరవాస ! సు సత్యమూర్తే !
మాం పాహి పాహి వర దాచ్యుత ! సుప్రభాతమ్  23
                     
                                        ఇతి శ్రీ సత్యనారాయణ సుప్రభాతమ్

సోమవారం, మార్చి 25, 2013

శ్రీ విష్ణు సహస్రనామ స్తోత్రమ్

 
ప్రార్థన
| శ్రీ లక్ష్మీ నృసింహ ప్రసన్న ||

| ఓం శ్రీ గణేశాయ నమః ||

|| ఓం ||

శుక్లాంబరధరం విష్ణుం శశివర్ణం చతుర్భుజం |

ప్రసన్నవదనం ధ్యాయేత్ సర్వవిఘ్నోపశాంతయే ||

వ్యాసం వసిష్ఠనప్తారం శక్తేః పౌత్రమకల్మషం |

పరాశరాత్మజం వందే శుకతాతం తపోనిధిం ||

వ్యాసాయ విష్ణురూపాయ వ్యాసరూపాయ విష్ణవే |

నమో వై బ్రహ్మనిధయే వాసిష్ఠాయ నమో నమః ||

అవికారాయ శుద్ధాయ నిత్యాయ పరమాత్మనే |

సదైకరూపరూపాయ విష్ణవే సర్వజిష్ణవే ||

యస్య స్మరణమాత్రేణ జన్మసంసారబంధనాత్ |

విముచ్యతే నమస్తస్మై విష్ణవే ప్రభవిష్ణవే ||

ఓం నమో విష్ణవే ప్రభవిష్ణవే
పూర్వ పీఠిక

శ్రీ వైశంపాయన ఉవాచ
శృత్వా ధర్మానశేషేణ పావనాని చ సర్వశః |

యుధిష్ఠిరః శాంతనవం పునరేవాభ్యభాషత || (1)

శ్రీ యుధిష్ఠిర ఉవాచ
కిమేకం దైవతం లోకే కిం వాప్యేకం పరాయణం |

స్తువంతః కం కమర్చంతః ప్రాప్నుయుర్మానవాః శుభం || (2)

కో ధర్మస్సర్వధర్మాణాం భవతః పరమో మతః |

కిం జపన్ముచ్యతే జంతుర్జన్మసంసారబంధనాత్ || (3)

శ్రీ భీష్మ ఉవాచ
జగత్ప్రభుం దేవదేవమనంతం పురుషోత్తమం |

స్తువన్నామసహస్రేణ పురుషస్సతతోత్థితః || (4)

తమేవ చార్చయన్నిత్యం భక్త్యా పురుషమవ్యయం |

ధ్యాయన్ స్తువన్నమస్యంశ్చ యజమానస్తమేవ చ || (5)

అనాది నిధనం విష్ణుం సర్వలోక మహేశ్వరం |

లోకాధ్యక్షం స్తువన్నిత్యం సర్వదుఃఖాతిగో భవేత్ || (6)

బ్రహ్మణ్యం సర్వధర్మజ్ఞం లోకానాం కీర్తివర్ధనం |

లోకనాథం మహద్భూతం సర్వభూతభవోధ్భవం || (7)

ఏష మే సర్వధర్మాణాం ధర్మోధికతమో మతః

యద్భక్త్యా పుండరీకాక్షం స్తవైరర్చేన్నరః సదా || (8)

పరమం యో మహత్తేజః పరమం యో మహత్తపః |

పరమం యో మహద్బ్రహ్మ పరమం యః పరాయణం || (9)

పవిత్రాణాం పవిత్రం యో మంగళానాం చ మంగళం |

దైవతం దేవతానాం చ భూతానాం యోఽవ్యయః పితా || (10)

యస్మింశ్చ ప్రళయం యాంతి పునరేవ యుగక్షయే || (11)

తస్య లోకప్రధానస్య జగన్నాథస్య భూపతే |

విష్ణోర్నామసహస్రం మే శ్రుణు పాపభయాపహం || (12)

యాని నామాని గౌణాని విఖ్యాతాని మహాత్మనః |

ఋషిభిః పరిగీతాని తాని వక్ష్యామి భూతయే || (13)

ఋషిర్నామ్నాం సహస్రస్య వేదవ్యాసో మహామునిః |

ఛందోనుష్టుప్ తథా దేవో భగవాన్ దేవకీసుతః || (14)

అమృతాంశూద్భవో బీజం శక్తిర్దేవకినందన: |

త్రిసామా హృదయం తస్య శాంత్యర్థే వినియుజ్యతే || (15)

విష్ణుం జిష్ణుం మహావిష్ణుం ప్రభవిష్ణుం మహేశ్వరం |

అనేకరూపదైత్యాంతం నమామి పురుషోత్తమం || (16)
సంకల్పము

అస్య శ్రీ విష్ణోర్దివ్యసహస్రనామస్తోత్రమహామంత్రస్య |

శ్రీ వేదవ్యాసో భగవాన్ ఋషిః |

అనుష్టుప్ ఛందః |

శ్రీమహావిష్ణుః పరమాత్మా శ్రీమన్నారాయణో దేవతా |

అమృతాంశూద్భవో భానురితి బీజం |

దేవకీనందనః స్రష్టేతి శక్తిః |

ఉధ్భవః క్షోభణో దేవ ఇతి పరమో మంత్రః |

శంఖభృన్నందకీ చక్రీతి కీలకం |

శార్‌ఙ్గధన్వా గదాధర ఇత్యస్త్రం |

రథాంగపాణిరక్షోభ్య ఇతి నేత్రం |

త్రిసామా సామగః సామేతి కవచం |

ఆనందం పరబ్రహ్మేతి యోనిః |

ఋతుస్సుదర్శన: కాల ఇతి దిగ్భంధః |

శ్రీ విశ్వరూప ఇతి ధ్యానం |

శ్రీమహావిష్ణుప్రీత్యర్థే సహస్రనామ జపే వినియోగః |

ధ్యానం
క్షీరోదన్వత్ప్రదేశే శుచిమణివిలసత్సైకతే మౌక్తికానాం

మాలాక్లుప్తాసనస్థః స్ఫటికమణినిభైర్మౌక్తికైర్మండితాంగ: |

శుభ్రైరభ్రైరదభ్రైరుపరివిరచితైర్ముక్తపీయూషవర్షైః

ఆనందీ నః పునీయాదరినళినగదాశంఖపాణిర్ముకుందః ||

భూః పాదౌ యస్య నాభిర్వియదసురనిలశ్చంద్రసూర్యౌ చ నేత్రే

కర్ణావాశాః శిరో ద్యౌర్ముఖమపి దహనో యస్య వాస్తేయమబ్ధిః |

అంతఃస్థం యస్య విశ్వం సురనరఖగగో భోగిగంధర్వదైత్యైః

చిత్రం రంరమ్యతే తం త్రిభువనవపుషం విష్ణుమీశం నమామి ||

ఓం నమో భగవతే వాసుదేవాయ |

శాంతాకారం భుజగశయనం పద్మనాభం సురేశం

వందే విష్ణుం భవభయహరం సర్వలోకైకనాథం ||

మేఘశ్యామం పీతకౌశేయవాసం

శ్రీవత్సాంకం కౌస్తుభోద్భాసితాంగం |

పుణ్యోపేతం పుండరీకాయతాక్షం

విష్ణుం వందే సర్వలోకైకనాథం ||

నమస్సమస్తభూతానామాదిభూతాయ భూభృతే |

అనేకరూపరూపాయ విష్ణవే ప్రభవిష్ణవే ||

సశంఖచక్రం సకిరీటకుండలం

సపీతవస్త్రం సరసీరుహేక్షణం |

సహారవక్షఃస్థలశోభికౌస్తుభం

నమామి విష్ణుం శిరసా చతుర్భుజం ||

ఛాయాయాం పారిజాతస్య హేమసింహాసనోపరి |

ఆసీనమంబుదశ్యామమాయతాక్షమలంకృతం ||

చంద్రాననం చతుర్బాహుం శ్రీవత్సాంకితవక్షసం |

రుక్మిణీసత్యభామాభ్యాం సహితం కృష్ణమాశ్రయే |

స్తోత్రము
|| హరిః ఓం ||

విశ్వం విష్ణుర్వషట్కారో భూతభవ్యభవత్ప్రభుః |

భూతకృద్భూతభృద్భావో భూతాత్మా భూతభావనః || (1)

పూతాత్మా పరమాత్మా చ ముక్తానాం పరమా గతిః |

అవ్యయః పురుషః సాక్షీ క్షేత్రజ్ఞోక్షర ఏవ చ || (2)

యోగో యోగవిదాం నేతా ప్రధానపురుషేశ్వరః |

నారసింహవపుః శ్రీమాన్ కేశవః పురుషోత్తమః || (3)

సర్వః శర్వః శివః స్థాణుర్భూతాదిర్నిధిరవ్యయః |

సంభవో భావనో భర్తా ప్రభవః ప్రభురీశ్వరః || (4)

స్వయంభూశ్శంభురాదిత్యః పుష్కరాక్షో మహాస్వనః |

అనాదినిధనో ధాతా విధాతా ధాతురుత్తమః || (5)

అప్రమేయో హృషీకేశః పద్మనాభోమరప్రభుః |

విశ్వకర్మా మనుస్వ్తష్టా స్థవిష్ఠస్స్థవిరో ధ్రువః || (6)

అగ్రాహ్యః శాశ్వతః కృష్ణో లోహితాక్షః ప్రతర్దనః |

ప్రభూతస్త్రికకుబ్ధామ పవిత్రం మంగళం పరం || (7)

ఈశానః ప్రాణదః ప్రాణో జ్యేష్ఠః శ్రేష్ఠః ప్రజాపతిః |

హిరణ్యగర్భో భూగర్భో మాధవో మధుసూదనః || (8)

ఈశ్వరో విక్రమీ ధన్వీ మేధావీ విక్రమః క్రమః |

అనుత్తమో దురాధర్షః కృతజ్ఞః కృతిరాత్మవాన్ || (9)

సురేశః శరణం శర్మ విశ్వరేతాః ప్రజాభవః |

అహః సంవత్సరో వ్యాళః ప్రత్యయస్సర్వదర్శనః || (10)

అజః సర్వేశ్వరః సిద్ధః సిద్ధిః సర్వాదిరచ్యుతః |

వృషాకపిరమేయాత్మా సర్వయోగవినిస్సృతః || (11)

వసుర్వసుమనాః సత్యః సమాత్మా సంమితః సమః |

అమోఘః పుండరీకాక్షో వృషకర్మా వృషాకృతిః || (12)

రుద్రో బహుశిరా బభ్రుర్విశ్వయోనిః శుచిశ్రవాః |

అమృతః శాశ్వతః స్థాణుర్వరారోహో మహాతపాః || (13)

సర్వగః సర్వవిద్భానుర్విష్వక్సేనో జనార్దనః |

వేదో వేదవిదవ్యంగో వేదాంగో వేదవిత్కవిః || (14)

లోకాధ్యక్షః సురాధ్యక్షో ధర్మాధ్యక్షః కృతాకృత: |

చతురాత్మా చతుర్వ్యూహశ్చతుర్దంష్ట్రశ్చతుర్భుజః || (15)

భ్రాజిష్ణుర్భోజనం భోక్తా సహిష్ణుర్జగదాదిజః |

అనఘో విజయో జేతా విశ్వయోనిః పునర్వసుః || (16)

ఉపేంద్రో వామనః ప్రాంశురమోఘః శుచిరూర్జితః |

అతీంద్రః సంగ్రహః సర్గో ధృతాత్మా నియమో యమ: || (17)

వేద్యో వైద్యః సదాయోగీ వీరహా మాధవో మధుః |

అతీంద్రియో మహామాయో మహోత్సాహో మహాబలః || (18)

మహాబుద్ధిర్మహావీర్యో మహాశక్తిర్మహాద్యుతిః |

అనిర్దేశ్యవపుః శ్రీమానమేయాత్మా మహాద్రిధృక్ || (19)

మహేష్వాసో మహీభర్తా శ్రీనివాసః సతాం గతిః |

అనిరుద్ధః సురానందో గోవిందో గోవిదాం పతిః || (20)

మరీచిర్దమనో హంసః సుపర్ణో భుజగోత్తమః |

హిరణ్యనాభః సుతపాః పద్మనాభః ప్రజాపతి: || (21)

అమృత్యుః సర్వదృక్సింహః సంధాతా సంధిమాన్ స్థిరః |

అజో దుర్మర్షణః శాస్తా విశ్రుతాత్మా సురారిహా || (22)

గురుర్గురుతమో ధామః సత్యః సత్యపరాక్రమః |

నిమిషోనిమిషః స్రగ్వీ వాచస్పతిరుదారధీః || (23)

అగ్రణీర్గ్రామణీః శ్రీమాన్ న్యాయో నేతా సమీరణః |

సహస్రమూర్ధా విశ్వాత్మా సహస్రాక్షః సహస్రపాత్ || (24)

ఆవర్తనో నివృత్తాత్మా సంవృతః సంప్రమర్దనః |

అహః సంవర్తకో వహ్నిరనిలో ధరణీధరః || (25)

సుప్రసాదః ప్రసన్నాత్మా విశ్వధృగ్విశ్వభుగ్విభుః |

సత్కర్తా సత్కృతః సాధుర్జహ్నుర్నారాయణో నరః || (26)

అసంఖ్యేయోప్రమేయాత్మా విశిష్టః శిష్టకృచ్ఛుచిః |

సిద్ధార్థః సిద్ధసంకల్పః సిద్ధిదః సిద్ధిసాధనః || (27)

వృషాహీ వృషభో విష్ణుర్వృషపర్వా వృషోదరః |

వర్ధనో వర్ధమానశ్చ వివిక్తః శ్రుతిసాగరః || (28)

సుభుజో దుర్ధరో వాగ్మీ మహేంద్రో వసుదో వసుః |

నైకరూపో బృహద్రూపః శిపివిష్టః ప్రకాశనః || (29)

ఓజస్తేజోద్యుతిధరః ప్రకాశాత్మా ప్రతాపనః |

ఋద్ధః స్పష్టాక్షరో మంత్రశ్చంద్రాంశుర్భాస్కరద్యుతిః || (30)

అమృతాంశూద్భవో భానుః శశబిందుః సురేశ్వరః |

ఔషధం జగతః సేతుః సత్యధర్మపరాక్రమః || (31)

భూతభవ్యభవన్నాథః పవనః పావనోనలః |

కామహా కామకృత్ కాంతః కామః కామప్రదః ప్రభుః || (32)

యుగాదికృద్యుగావర్తో నైకమాయో మహాశనః |

అదృశ్యోవ్యక్తరూపశ్చ సహస్రజిదనంతజిత్ || (33)

ఇష్టోవిశిష్టః శిష్టేష్టః శిఖండీ నహుషో వృషః |

క్రోధహా క్రోధకృత్కర్తా విశ్వబాహుర్మహీధరః || (34)

అచ్యుతః ప్రథితః ప్రాణః ప్రాణదో వాసవానుజః |

అపాం నిధిరధిష్ఠానమప్రమత్తః ప్రతిష్ఠితః || (35)

స్కందః స్కందధరో ధుర్యో వరదో వాయువాహనః |

వాసుదేవో బృహద్భానురాదిదేవః పురందరః || (36)

అశోకస్తారణస్తారః శూరః శౌరిర్జనేశ్వరః |

అనుకూలః శతావర్తః పద్మీ పద్మనిభేక్షణః || (37)

పద్మనాభోరవిందాక్షః పద్మగర్భః శరీరభృత్ |

మహర్ద్ధిర్ఋద్ధో వృద్ధాత్మా మహాక్షో గరుడధ్వజః || (38)

అతులః శరభో భీమః సమయజ్ఞో హవిర్హరిః |

సర్వలక్షణలక్షణ్యో లక్ష్మీవాన్ సమితింజయః || (39)

విక్షరో రోహితో మార్గో హేతుర్దామోదరస్సహః |

మహీధరో మహాభాగో వేగవానమితాశనః || (40)

ఉద్భవః క్షోభణో దేవః శ్రీగర్భః పరమేశ్వరః |

కరణం కారణం కర్తా వికర్తా గహనో గుహః || (41)

వ్యవసాయో వ్యవస్థానః సంస్థానః స్థానదో ధ్రువః |

పరర్ద్ధిః పరమస్పష్టస్తుష్టః పుష్టః శుభేక్షణః || (42)

రామో విరామో విరతో (విరజో) మార్గో నేయో నయోనయః |

వీరః శక్తిమతాం శ్రేష్ఠో ధర్మో ధర్మవిదుత్తమః || (43)

వైకుంఠః పురుషః ప్రాణః ప్రాణదః ప్రణవః పృథుః |

హిరణ్యగర్భః శత్రుఘ్నో వ్యాప్తో వాయురధోక్షజః || (44)

ఋతుః సుదర్శనః కాలః పరమేష్ఠీ పరిగ్రహః |

ఉగ్రః సంవత్సరో దక్షో విశ్రామో విశ్వదక్షిణః || (45)

విస్తారః స్థావరఃస్థాణుః ప్రమాణం బీజమవ్యయం |

అర్థోనర్థో మహాకోశో మహాభోగో మహాధనః || (46)

అనిర్విణ్ణః స్థవిష్ఠోభూర్ధర్మయూపో మహామఖః |

నక్షత్రనేమిర్నక్షత్రీ క్షమః క్షామః సమీహనః || (47)

యజ్ఞ ఇజ్యో మహేజ్యశ్చ క్రతుః సత్రం సతాం గతిః |

సర్వదర్శీ విముక్తాత్మా సర్వజ్ఞోజ్ఞానముత్తమం || (48)

సువ్రతః సుముఖః సూక్ష్మః సుఘోషః సుఖదః సుహృత్ |

మనోహరో జితక్రోధో వీరబాహుర్విదారణః || (49)

స్వాపనస్స్వవశో వ్యాపీ నైకాత్మా నైకకర్మకృత్ |

వత్సరో వత్సలో వత్సీ రత్నగర్భో ధనేశ్వరః || (50)

ధర్మగుబ్ధర్మకృద్ధర్మీ సదసత్క్షరమక్షరం |

అవిజ్ఞాతా సహస్రాంశుర్విధాతా కృతలక్షణః || (51)

గభస్తినేమిః సత్త్వస్థః సింహో భూతమహేశ్వరః |

ఆదిదేవో మహాదేవో దేవేశో దేవభృద్గురుః || (52)

ఉత్తరో గోపతిర్గోప్తా జ్ఞానగమ్యః పురాతనః |

శరీరభూతభృద్భోక్తా కపీంద్రో భూరిదక్షిణః || (53)

సోమసోమృతపః సోమః పురుజిత్ పురుసత్తమః |

వినయో జయః సత్యసంధో దాశార్హస్సాత్వతాం పతిః || (54)

జీవో వినయితాసాక్షీ ముకుందోమితవిక్రమః |

అంభోనిధిరనంతాత్మా మహోదధిశయోంతకః || (55)

అజో మహార్హః స్వాభావ్యో జితామిత్రః ప్రమోదనః |

ఆనందో నందనో నందః సత్యధర్మా త్రివిక్రమః || (56)

మహర్షిః కపిలాచార్యః కృతజ్ఞో మేదినీపతిః |

త్రిపదస్త్రిదశాధ్యక్షో మహాశృంగః కృతాంతకృత్ || (57)

మహావరాహో గోవిందః సుషేణః కనకాంగదీ |

గుహ్యో గభీరో గహనో గుప్తశ్చక్రగదాధరః || (58)

వేధాస్స్వాంగోజితః కృష్ణో దృఢస్సంకర్షణోచ్యుతః |

వరుణో వారుణో వృక్షః పుష్కరాక్షో మహామనాః || (59)

భగవాన్ భగహానందీ వనమాలీ హలాయుధః |

ఆదిత్యో జ్యోతిరాదిత్యః సహిష్ణుర్గతిసత్తమః || (60)

సుధన్వా ఖండపరశుర్దారుణో ద్రవిణప్రదః |

దివస్పృక్ సర్వదృగ్వ్యాసో వాచస్పతిరయోనిజః || (61)

త్రిసామా సామగః సామ నిర్వాణం భేషజం భిషక్ |

సంన్యాసకృచ్ఛమశ్శాంతో నిష్ఠా శాంతిః పరాయణం || (62)

శుభాంగః శాంతిదః స్రష్టా కుముదః కువలేశయః |

గోహితో గోపతిర్గోప్తా వృషభాక్షో వృషప్రియః || (63)

అనివర్తీ నివృత్తాత్మా సంక్షేప్తా క్షేమకృచ్ఛివః |

శ్రీవత్సవక్షాః శ్రీవాసః శ్రీపతిః శ్రీమతాం వరః || (64)

శ్రీదః శ్రీశః శ్రీనివాసః శ్రీనిధిః శ్రీవిభావనః |

శ్రీధరః శ్రీకరః శ్రేయః శ్రీమాన్ లోకత్రయాశ్రయః || (65)

స్వక్షః స్వంగః శతానందో నందిర్జ్యోతిర్గణేశ్వరః |

విజితాత్మా విధేయాత్మా సత్కీర్తిశ్ఛిన్నసంశయః || (66)

ఉదీర్ణః సర్వతశ్చక్షురనీశః శాశ్వతస్థిరః |

భూశయో భూషణో భూతిర్విశోకశ్శోకనాశనః || (67)

అర్చిష్మానర్చితః కుంభో విశుద్ధాత్మా విశోధనః |

అనిరుద్ధోప్రతిరథః ప్రద్యుమ్నోమితవిక్రమః || (68)

కాలనేమినిహా వీరః శౌరిః శూరజనేశ్వరః |

త్రిలోకాత్మా త్రిలోకేశః కేశవః కేశిహా హరిః || (69)

కామదేవః కామపాలః కామీ కాంతః కృతాగమః |

అనిర్దేశ్యవపుర్విష్ణుర్వీరోనంతో ధనంజయః || (70)

బ్రహ్మణ్యో బ్రహ్మకృద్బ్రహ్మా బ్రహ్మ బ్రహ్మవివర్ధనః |

బ్రహ్మవిద్బ్రాహ్మణో బ్రహ్మీ బ్రహ్మజ్ఞో బ్రాహ్మణప్రియః || (71)

మహాక్రమో మహాకర్మా మహాతేజా మహోరగః |

మహాక్రతుర్మహాయజ్వా మహాయజ్ఞో మహాహవిః || (72)

స్తవ్యః స్తవప్రియః స్తోత్రం స్తుతిః స్తోతా రణప్రియః |

పూర్ణః పూరయితా పుణ్యః పుణ్యకీర్తిరనామయః || (73)

మనోజవస్తీర్థకరో వసురేతా వసుప్రదః |

వసుప్రదో వాసుదేవో వసుర్వసుమనా హవిః || (74)

సద్గతిః సత్కృతిః సత్తా సద్భూతిః సత్పరాయణః |

శూరసేనో యదుశ్రేష్ఠః సన్నివాసః సుయామునః || (75)

భూతావాసో వాసుదేవస్సర్వాసునిలయోనలః |

దర్పహా దర్పదో దృప్తో దుర్ధరోథాపరాజితః || (76)

విశ్వమూర్తిర్మహామూర్తిర్దీప్తమూర్తిరమూర్తిమాన్ |

అనేకమూర్తిరవ్యక్తః శతమూర్తిః శతాననః || (77)

ఏకో నైకః సవః కః కిం యత్తత్పదమనుత్తమం |

లోకబంధుర్లోకనాథో మాధవో భక్తవత్సలః || (78)

సువర్ణవర్ణో హేమాంగో వరాంగశ్చందనాంగదీ |

వీరహా విషమః శూన్యో ఘృతాశీరచలశ్చలః || (79)

అమానీ మానదో మాన్యో లోకస్వామీ త్రిలోకధృత్ |

సుమేధా మేధజో ధన్యః సత్యమేధా ధరాధరః || (80)

తేజోవృషో ద్యుతిధరః సర్వశస్త్రభృతాం వరః |

ప్రగ్రహో నిగ్రహో వ్యగ్రో నైకశృంగో గదాగ్రజః || (81)

చతుర్మూర్తిశ్చతుర్బాహుశ్చతుర్వ్యూహశ్చతుర్గతిః |

చతురాత్మా చతుర్భావశ్చతుర్వేదవిదేకపాత్ || (82)

సమావర్తోనివృత్తాత్మా దుర్జయో దురతిక్రమః |

దుర్లభో దుర్గమో దుర్గో దురావాసో దురారిహా || (83)

శుభాంగో లోకసారంగః సుతంతుస్తంతువర్ధనః |

ఇంద్రకర్మా మహాకర్మా కృతకర్మా కృతాగమః || (84)

ఉద్భవః సుందరః సుందో రత్ననాభస్సులోచనః |

అర్కో వాజసనః శృంగీ జయంతః సర్వవిజ్జయీ || (85)

సువర్ణబిందురక్షోభ్యః సర్వవాగీశ్వరేశ్వరః |

మహాహ్రదో మహాగర్తో మహాభూతో మహానిధిః || (86)

కుముదః కుందరః కుందః పర్జన్యః పావనోనిలః

అమృతాంశోమృతవపుస్సర్వజ్ఞః సర్వతోముఖః || (87)

సులభః సువ్రతః సిద్ధః శత్రుజిచ్ఛత్రుతాపనః |

న్యగ్రోధోదుంబరోశ్వత్థశ్చాణూరాంధ్రనిషూదనః || (88)

సహస్రార్చిః సప్తజిహ్వః సప్తైధాః సప్తవాహనః |

అమూర్తిరనఘోచింత్యో భయకృద్భయనాశనః || (89)

అణుర్బృహత్కృశః స్థూలో గుణభృన్నిర్గుణో మహాన్ |

అధృతస్స్వధృతస్వాస్థ్యః ప్రాగ్వంశో వంశవర్ధనః || (90)

భారభృత్ కథితో యోగీ యోగీశః సర్వకామదః |

ఆశ్రమః శ్రమణః క్షామః సుపర్ణో వాయువాహనః || (91)

ధనుర్ధరో ధనుర్వేదో దండో దమయితా దమః |

అపరాజితస్సర్వసహో నియంతా నియమో యమః || (92)

సత్త్వవాన్ సాత్త్వికః సత్యః సత్యధర్మపరాయణః |

అభిప్రాయః ప్రియార్హోర్హః ప్రియకృత్ ప్రీతివర్ధనః || (93)

విహాయసగతిర్జ్యోతిః సురుచిర్హుతభుగ్విభుః |

రవిర్విరోచనః సూర్యః సవితా రవిలోచనః || (94)

అనంతో హుతభుగ్భోక్తా సుఖదో నైకదోగ్రజః |

అనిర్విణ్ణః సదామర్షీ లోకాధిష్ఠానమద్భుతః || (95)

సనాత్సనాతనతమః కపిలః కపిరవ్యయః |

స్వస్తిదః స్వస్తికృత్ స్వస్తి స్వస్తిభుక్ స్వస్తిదక్షిణః || (96)

అరౌద్రః కుండలీ చక్రీ విక్రమ్యూర్జితశాసనః |

శబ్దాతిగః శబ్దసహః శిశిరః శర్వరీకరః || (97)

అక్రూరః పేశలో దక్షో దక్షిణః క్షమిణాం వరః |

విద్వత్తమో వీతభయః పుణ్యశ్రవణకీర్తనః || (98)

ఉత్తారణో దుష్కృతిహా పుణ్యో దుఃస్వప్ననాశనః |

వీరహా రక్షణస్సంతో జీవనః పర్యవస్థితః || (99)

అనంతరూపోనంతశ్రీర్జితమన్యుర్భయాపహః |

చతురశ్రో గభీరాత్మా విదిశో వ్యాదిశో దిశః || (100)

అనాదిర్భూర్భువో లక్ష్మీస్సువీరో రుచిరాంగదః |

జననో జనజన్మాదిర్భీమో భీమపరాక్రమః || (101)

ఆధారనిలయోధాతా పుష్పహాసః ప్రజాగరః |

ఊర్ధ్వగస్సత్పథాచారః ప్రాణదః ప్రణవః పణః || (102)

ప్రమాణం ప్రాణనిలయః ప్రాణభృత్ ప్రాణజీవనః |

తత్త్వం తత్త్వవిదేకాత్మా జన్మమృత్యుజరాతిగః || (103)

భూర్భువఃస్వస్తరుస్తారః సవితా ప్రపితామహః |

యజ్ఞో యజ్ఞపతిర్యజ్వా యజ్ఞాంగో యజ్ఞవాహనః || (104)

యజ్ఞభృద్యజ్ఞకృద్యజ్ఞీ యజ్ఞభుగ్యజ్ఞసాధనః |

యజ్ఞాంతకృద్యజ్ఞగుహ్యమన్నమన్నాద ఏవ చ || (105)

ఆత్మయోనిః స్వయంజాతో వైఖానః సామగాయనః |

దేవకీనందనః స్రష్టా క్షితీశః పాపనాశనః || (106)

శంఖభృన్నందకీ చక్రీ శార్ఙ్గధన్వా గదాధరః |

రథాంగపాణిరక్షోభ్యః సర్వప్రహరణాయుధః || (107)

|| శ్రీ సర్వప్రహరణాయుధ ఓం నమః ఇతి ||

వనమాలీ గదీ శార్ఙ్గీ శంఖీ చక్రీ చ నందకీ |

శ్రీమాన్ నారాయణో విష్ణుర్వాసుదేవోభిరక్షతు ||

వనమాలీ గదీ శార్ఙ్గీ శంఖీ చక్రీ చ నందకీ |

శ్రీమాన్ నారాయణో విష్ణుర్వాసుదేవోభిరక్షతు ||

వనమాలీ గదీ శార్ఙ్గీ శంఖీ చక్రీ చ నందకీ |

శ్రీమాన్ నారాయణో విష్ణుర్వాసుదేవోభిరక్షతు ||

||శ్రీ వాసుదేవోభిరక్షతు ఓం నమః ఇతి ||

ఫలశ్రుతిః
ఇతీదం కీర్తనీయస్య కేశవస్య మహాత్మనః |

నామ్నాం సహస్రం దివ్యానామశేషేణ ప్రకీర్తితం || (1)

య ఇదం శృణుయాన్నిత్యం యశ్చాపి పరికీర్తయేత్ |

నాశుభం ప్రాప్నుయాత్ కించిత్ సోముత్రేహ చ మానవః || (2)

వేదాంతగో బ్రాహ్మణః స్యాత్ క్షత్రియో విజయీ భవేత్ |

వైశ్యో ధనసమృద్ధః స్యాత్ శూద్రస్సుఖమవాప్నుయాత్ || (3)

ధర్మార్థీ ప్రాప్నుయాద్ధర్మం అర్థార్థీ చార్థమాప్నుయాత్ |

కామానవాప్నుయాత్ కామీ ప్రజార్థీ చాప్నుయాత్ ప్రజాం || (4)

భక్తిమాన్ యః సదోత్థాయ శుచిస్తద్గతమానసః |

సహస్రం వాసుదేవస్య నామ్నామేతత్ ప్రకీర్తయేత్ || (5)

యశః ప్రాప్నోతి విపులం యాతి ప్రాధాన్యమేవ చ |

అచలాం శ్రియమాప్నోతి శ్రేయః ప్రాప్నోత్యనుత్తమం || (6)

న భయం క్వచిదాప్నోతి వీర్యం తేజశ్చ విందతి |

భవత్యరోగో ద్యుతిమాన్ బలరూపగుణాన్వితః || (7)

రోగార్తో ముచ్యతే రోగాద్బద్ధో ముచ్యేత బంధనాత్ |

భయాన్ముచ్యేత భీతస్తు ముచ్యేతాపన్న ఆపదః || (8)

దుర్గాణ్యతితరత్యాశు పురుషః పురుషోత్తమం |

స్తువన్నామసహస్రేణ నిత్యం భక్తిసమన్వితః || (9)

వాసుదేవాశ్రయో మర్త్యో వాసుదేవపరాయణః |

సర్వపాపవిశుద్ధాత్మా యాతి బ్రహ్మ సనాతనం || (10)

న వాసుదేవభక్తానామశుభం విద్యతే క్వచిత్ |

జన్మమృత్యుజరావ్యాధిభయం నైవోపజాయతే || (11)

ఇమం స్తవమధీయానః శ్రద్ధాభక్తిసమన్వితః |

యుజ్యేతాత్మాసుఖక్షాంతిశ్రీధృతిస్మృతికీర్తిభిః || (12)

న క్రోధో న చ మాత్సర్యం న లోభో నాశుభా మతిః |

భవంతి కృతపుణ్యానాం భక్తానాం పురుషోత్తమే || (13)

ద్యౌస్సచంద్రార్కనక్షత్రా ఖం దిశో భూర్మహోదధిః |

వాసుదేవస్య వీర్యేణ విధృతాని మహాత్మనః || (14)

ససురాసురగంధర్వం సయక్షోరగరాక్షసం |

జగద్వశే వర్తతేదం కృష్ణస్య సచరాచరం || (15)

ఇంద్రియాణి మనో బుద్ధిః సత్త్వం తేజో బలం ధృతిః |

వాసుదేవాత్మకాన్యాహుః క్షేత్రం క్షేత్రజ్ఞ ఏవ చ || (16)

సర్వాగమానామాచారః ప్రథమం పరికల్య్పతే |

ఆచారప్రభవో ధర్మో ధర్మస్య ప్రభురచ్యుతః || (17)

ఋషయః పితరో దేవా మహాభూతాని ధాతవః |

జంగమాజంగమం చేదం జగన్నారాయణోద్భవం || (18)

యోగో జ్ఞానం తథా సాంఖ్యం విద్యాః శిల్పాదికర్మ చ |

వేదాశ్శాస్త్రాణి విజ్ఞానమేతత్సర్వం జనార్దనాత్ || (19)

ఏకో విష్ణుర్మహద్భూతం పృథగ్భూతాన్యనేకశః |

త్రీన్‌లోకాన్వ్యాప్య భూతాత్మా భుంక్తే విశ్వభుగవ్యయః || (20)

ఇమం స్తవం భగవతో విష్ణోర్వ్యాసేన కీర్తితం |

పఠేద్య ఇచ్ఛేత్పురుషః శ్రేయః ప్రాప్తుం సుఖాని చ || (21)

విశ్వేశ్వరమజం దేవం జగతః ప్రభుమవ్యయం |

భజంతి యే పుష్కరాక్షం న తే యాంతి పరాభవం || (22)

|| న తే యాంతి పరాభవం ఓం నమ ఇతి ||

అర్జున ఉవాచ
పద్మపత్ర విశాలాక్ష పద్మనాభ సురోత్తమ |

భక్తానామనురక్తానాం త్రాతా భవ జనార్దన ||

శ్రీ భగవానువాచ
యో మాం నామసహస్రేణ స్తోతుమిచ్ఛతి పాండవ |

సోహమేకేన శ్లోకేన స్తుత ఏవ న సంశయః ||

|| స్తుత ఏవ న సంశయ ఓం నమ ఇతి ||

వ్యాస ఉవాచ
వాసనాద్వాసుదేవస్య వాసితం భువనత్రయం |

సర్వభూతనివాసోసి వాసుదేవ నమోస్తు తే ||

|| శ్రీవాసుదేవ నమోస్తుత ఓం నమ ఇతి ||

పార్వత్యువాచ
కేనోపాయేన లఘునా విష్ణోర్నామసహస్రకం |

పఠ్యతే పండితైర్నిత్యం శ్రోతుమిచ్ఛామ్యహం ప్రభో ||

ఈశ్వర ఉవాచ
శ్రీరామ రామ రామేతి రమే రామే మనోరమే |

సహస్రనామతత్తుల్యం రామనామ వరాననే ||

శ్రీరామ రామ రామేతి రమే రామే మనోరమే |

సహస్రనామతత్తుల్యం రామనామ వరాననే ||

శ్రీరామ రామ రామేతి రమే రామే మనోరమే |

సహస్రనామతత్తుల్యం రామనామ వరాననే ||

|| శ్రీ రామనామ వరానన ఓం నమ ఇతి ||

బ్రహ్మోవాచ
నమోస్త్వనంతాయ సహస్రమూర్తయే

సహస్రపాదాక్షిశిరోరుబాహవే |

సహస్రనామ్నే పురుషాయ శాశ్వతే

సహస్రకోటియుగధారిణే నమః ||

|| సహస్రకోటియుగధారిణే నమ ఓం నమ ఇతి ||

సంజయ ఉవాచ
యత్ర యోగేశ్వరః కృష్ణో యత్ర పార్థో ధనుర్ధరః |

తత్ర శ్రీర్విజయో భూతిర్ధ్రువా నీతిర్మతిర్మమ ||

శ్రీభగవానువాచ
అనన్యాశ్చింతయంతో మాం యే జనాః పర్యుపాసతే |

తేషాం నిత్యాభియుక్తానాం యోగక్షేమం వహామ్యహం ||

పరిత్రాణాయ సాధూనాం వినాశాయ చ దుష్కృతాం |

ధర్మసంస్థాపనార్థాయ సంభవామి యుగే యుగే ||

ఆర్తా విషణ్ణాః శిథిలాశ్చ భీతాః

ఘోరేషు చ వ్యాధిషు వర్తమానాః |

ఈశ్వర ఉవాచ
సంకీర్త్య నారాయణశబ్దమాత్రం

విముక్తదుఃఖాః సుఖినో భవంతి ||

కాయేన వాచా మనసేంద్రియైర్వా

బుద్ధ్యాత్మనా వా ప్రకృతేః స్వభావాత్ |

కరోమి యద్యత్ సకలం పరస్మై

నారాయణాయేతి సమర్పయామి ||

|| ఓం శాంతిః శాంతిః శాంతిః ||

linkwithin

Related Posts Plugin for WordPress, Blogger...