శ్రీ కృష్ణ ప్రేమాష్టకమ్

అసారే సంసారే విషయ విషపూరే పటుతరే
ప్రవాహే ఘోరే మాం మలినతర మోహేన పతితమ్ |
భ్రమన్తం ధావన్తం మన సి విలపస్తం కరుణయా
సముద్దర్తుం కృష్ణోవసతు మమ హృద్దామ్ని సత త మ్. 1
అనాధానాం నాధః పరమకరుణా పూర్ణ హృదయో
ఘనానందాకారో జఘన విలసద్బాహు యుగళః,
సనాధం మాం కుర్వన్సదయ వర రాధావ నితయా
ఘనశ్యామః కృష్ణో వసతు మమ హృద్దామ్ని సత త మ్. 2
సదా బృందారన్యే క లిమలహరే యామునత టే
ముదా గోపీ బృందే లసదమల గో లో క నిలయే,
విహర్తా గో పాలో మధుర మురళీ గాన నిర తో
ఘనశ్యామః కృష్ణో వసతు మమ హృద్దామ్ని సత త మ్. 3
మతిర్మే శ్రీరాధాపతి చరణ పద్మేసు విశ తాత్
రతిర్గోపీకాంతే లసతు ర సనా నామ జపతాత్ ,
గతిర్మే గో విన్డో భవతు నిరతం పూర్ణదయయా
ఘనశ్యామః కృష్ణో వసతు మమ హృద్దామ్ని సత త మ్. 4
పితా మాతాభ్రాతా సుత హిత కళ త్రాది సకలం
పతిర్బంధుర్మిత్రం విభురపి శరణ్యోస్తు భగవాన్ ,
గతిర్మే గో పీశః కి మపిన హి కృష్ణాత్పరతరం  
స గో పాలః ప్రేమ్ణా వసతు మమ హృద్దామ్ని సత తమ్. 5
గురుర్భావానందః శమిత హృదయ స్మేరవదన
స్స మాం దీనం హీనం విషయ విష తృష్ణా పరి వృతమ్,
సుదావృష్ట్యా దృష్ట్యా పరమ కృపయాపాతుమనిశం
ఘన శ్యామో భూత్వా వ సతు మమ హృద్దామ్ని సత త మ్. 6
నమామి శ్రీ కృష్ణం సజలజలద శ్యామలత నుం
భ జామి శ్రీకృష్ణం మధుర మధురంతస్య చరితమ్,
ప్రజామి శ్రీ కృష్ణం శరణ మహమవ్యాజకృపయా
ఘనశ్యామః కృష్ణో వసతు మమ హృద్దామ్ని సత త మ్. 7
పరాధీ నందీ నం చ పలమతిహీనం కరుణయా
పరి త్రాతుం నేతుం న్వపద మపహర్తుం భవభయమ్,
గదాధారీ శౌరిహ్ కలికలుష హారీ ధృ తగిరి
స్సదామేఘశ్యామోవ సతు మమ హృద్దామ్ని సత త మ్. 8
విశ్వనాధ కృతం ప్రాతః ప్రబో దాష్టక మాద రాత్ ,
పట తాం హృదయే నిత్యం సదా వ సతు కేశవః
ఇతి శ్రీకృష్ణ ప్రేమాష్టకం సంపూర్ణమ్.
-------

ఏక శ్లోకీ భాగవతమ్ -
ఆదౌ దేవకి దేవి గర్భ జననం  గో పీ గృహే వర్దనం
మాయాపూత న జీవితాపహరణం గోవర్ద నో ద్దారణమ్,
కంసచ్చేదన కౌర వాది హననం కుంతీ సుతాపాలనం
హ్యేతద్భాగవతం పురాణ కధితం శ్రీకృష్ణ లీలామృతమ్.

గోవర్దనాష్టకమ్

గుణాతీతం పరంబ్రహ్మ వ్యాపకం భూధరేశ్వరమ్,
గోకులానంద దాతారం వందే గోవర్ధనంగిరిమ్. 1
గోలోకాధి పతిం కృష్ణవిగ్రహం పరమేశ్వరమ్,
చతుష్పదార్ధదం నిత్యం వందే గోవర్ధనంగిరిమ్. 2
నానాజన్మ కృతం పాపం ద హేత్తూలం హుతాశనః,
కృష్ణభక్తి ప్రందంశశ్వద్వందే గోవర్ధనంగిరిమ్. 3
సదానందం సదావంద్యం సదా సర్వార్ద సాధనమ్,
సాక్షిణం సకలాధారం వందే గోవర్ధనంగిరిమ్. 4
సురూపం స్వస్తి కాసీనం సునాసాగ్రం కృతేక్షణమ్
ధ్యాయంత కృష్ణ కృష్ణే వందే గోవర్ధనంగిరిమ్. 5
విశ్వ రూపం ప్రజాదీశం వల్లవీ వల్లవ ప్రియమ్,
విహ్వలప్రియమాత్మానం వందే గోవర్ధనంగిరిమ్. 6
ఆనంద కృత్సురాదీ శకృత సంభార భోజనమ్,
మహేంద్ర మద హంతారం వందే గోవర్ధనంగిరిమ్. 7
కృష్ణ లీ లార సావిష్టం కృష్ణాత్మానం కృపాకారమ్,
కృష్ణానన్ద ప్రదం సాక్షాద్వందే గోవర్ధనంగిరిమ్. 8
గోవర్ద నాష్టక మిదం యః పఠేద్భక్తి సంయుతః,
తన్నేత్ర గోచరోయాతి కృష్ణో గోవర్దనేశ్వరః. 9
ఇదం శ్రీ మద్ఘ న శ్యామనంద నస్య మహాత్మనః,
జ్ఞానినో జ్ఞానిరామస్య కృతి ర్విజయతే త రామ్. 10
ఇతి శ్రీ గోవర్దనాష్టకమ్

కృష్ణాష్టకం

Krishnashtakam in telugu - కృష్ణాష్టకం

శ్రియాశ్లిష్టో విష్ణుః స్థిరచరగురుర్వేదవిషయో
ధియాం సాక్షీ శుద్ధో హరిరసురహంతాబ్జనయనః |
గదీ శంఖీ చక్రీ విమలవనమాలీ స్థిరరుచిః
శరణ్యో లోకేశో మమ భవతు కృష్ణోzక్షివిషయః || ౧ ||
యతః సర్వం జాతం వియదనిలముఖ్యం జగదిదమ్
స్థితౌ నిఃశేషం యోzవతి నిజసుఖాంశేన మధుహా |
లయే సర్వం స్వస్మిన్హరతి కలయా యస్తు స విభుః
శరణ్యో లోకేశో మమ భవతు కృష్ణోzక్షివిషయః || ౨ ||
అసూనాయమ్యాదౌ యమనియమముఖ్యైః సుకరణై-
ర్ర్నిరుద్ధ్యేదం చిత్తం హృది విలయమానీయ సకలమ్ |
యమీడ్యం పశ్యంతి ప్రవరమతయో మాయినమసౌ
శరణ్యో లోకేశో మమ భవతు కృష్ణోzక్షివిషయః || ౩ ||
పృథివ్యాం తిష్ఠన్యో యమయతి మహీం వేద న ధరా
యమిత్యాదౌ వేదో వదతి జగతామీశమమలమ్ |
నియంతారం ధ్యేయం మునిసురనృణాం మోక్షదమసౌ
శరణ్యో లోకేశో మమ భవతు కృష్ణోzక్షివిషయః || ౪ ||
మహేంద్రాదిర్దేవో జయతి దితిజాన్యస్య బలతో
న కస్య స్వాతంత్ర్యం క్వచిదపి కృతౌ యత్కృతిమృతే |
బలారాతేర్గర్వం పరిహరతి యోzసౌ విజయినః
శరణ్యో లోకేశో మమ భవతు కృష్ణోzక్షివిషయః || ౫ ||
వినా యస్య ధ్యానం వ్రజతి పశుతాం సూకరముఖామ్
వినా యస్య జ్ఞానం జనిమృతిభయం యాతి జనతా |
వినా యస్య స్మృత్యా కృమిశతజనిం యాతి స విభుః
శరణ్యో లోకేశో మమ భవతు కృష్ణోzక్షివిషయః || ౬ ||
నరాతంకోట్టంకః శరణశరణో భ్రాంతిహరణో
ఘనశ్యామో వామో వ్రజశిశువయస్యోzర్జునసఖః |
స్వయంభూర్భూతానాం జనక ఉచితాచారసుఖదః
శరణ్యో లోకేశో మమ భవతు కృష్ణోzక్షివిషయః || ౭ ||
యదా ధర్మగ్లానిర్భవతి జగతాం క్షోభకరణీ
తదా లోకస్వామీ ప్రకటితవపుః సేతుధృదజః |
సతాం ధాతా స్వచ్ఛో నిగమగణగీతో వ్రజపతిః
శరణ్యో లోకేశో మమ భవతు కృష్ణోzక్షివిషయః || ౮ ||

బాలముకుందాష్టకం

కరారవిందేన పదారవిందం ముఖారవిందే వినివేశయంతమ్ |

వటస్య పత్రస్య పుటే శయానం బాలం ముకుందం మనసా స్మరామి || ౧ ||
సంహృత్య లోకాన్వటపత్రమధ్యే శయానమాద్యంతవిహీనరూపమ్ |
సర్వేశ్వరం సర్వహితావతారం బాలం ముకుందం మనసా స్మరామి || ౨ ||
ఇందీవరశ్యామలకోమలాంగం ఇంద్రాదిదేవార్చితపాదపద్మమ్ |
సంతానకల్పద్రుమమాశ్రితానాం బాలం ముకుందం మనసా స్మరామి || ౩ ||
లంబాలకం లంబితహారయష్టిం శృంగారలీలాంకితదంతపంక్తిమ్ |
బింబాధరం చారువిశాలనేత్రం బాలం ముకుందం మనసా స్మరామి || ౪ ||
శిక్యే నిధాయాద్యపయోదధీని బహిర్గతాయాం వ్రజనాయికాయామ్ |
భుక్త్వా యథేష్టం కపటేన సుప్తం బాలం ముకుందం మనసా స్మరామి || ౫ ||
కలిందజాంతస్థితకాలియస్య ఫణాగ్రరంగేనటనప్రియంతమ్ |
తత్పుచ్ఛహస్తం శరదిందువక్త్రం బాలం ముకుందం మనసా స్మరామి || ౬ ||
ఉలూఖలే బద్ధముదారశౌర్యం ఉత్తుంగయుగ్మార్జున భంగలీలమ్ |
ఉత్ఫుల్లపద్మాయత చారునేత్రం బాలం ముకుందం మనసా స్మరామి || ౭ ||
ఆలోక్య మాతుర్ముఖమాదరేణ స్తన్యం పిబంతం సరసీరుహాక్షమ్ |
సచ్చిన్మయం దేవమనంతరూపం బాలం ముకుందం మనసా స్మరామి || ౮ ||

మధురాష్టకం

అధరం మధురం వదనం మధురం నయనం మధురం హసితం మధురమ్ |

హృదయం మధురం గమనం మధురం మధురాధిపతేరఖిలం మధురమ్ || ౧ ||
వచనం మధురం చరితం మధురం వసనం మధురం వలితం మధురమ్ |
చలితం మధురం భ్రమితం మధురం మధురాధిపతేరఖిలం మధురమ్ || ౨ ||
వేణుర్మధురో రేణుర్మధురః పాణిర్మధురః పాదౌ మధురౌ |
నృత్యం మధురం సఖ్యం మధురం మధురాధిపతేరఖిలం మధురమ్ || ౩ ||
గీతం మధురం పీతం మధురం భుక్తం మధురం సుప్తం మధురమ్ |
రూపం మధురం తిలకం మధురం మధురాధిపతేరఖిలం మధురమ్ || ౪ ||
కరణం మధురం తరణం మధురం హరణం మధురం స్మరణం మధురమ్ |
వమితం మధురం శమితం మధురం మధురాధిపతేరఖిలం మధురమ్ || ౫ ||
గుంజా మధురా మాలా మధురా యమునా మధురా వీచీ మధురా |
సలిలం మధురం కమలం మధురం మధురాధిపతేరఖిలం మధురమ్ || ౬ ||
గోపీ మధురా లీలా మధురా యుక్తం మధురం ముక్తం మధురమ్ |
దృష్టం మధురం శిష్టం మధురం మధురాధిపతేరఖిలం మధురమ్ || ౭ ||
గోపా మధురా గావో మధురా యష్టిర్మధురా సృష్టిర్మధురా |
దలితం మధురం ఫలితం మధురం మధురాధిపతేరఖిలం మధురమ్ || ౮ ||

శ్రీ కృష్ణాష్టోత్తర శతనామ స్తోత్రమ్

శ్రీ కృష్ణః కమలనాథో - వాసుదేవ స్సనాతనః
వాసుదేవాత్మజః పుణ్యో - లీలామానుష విగ్రహః
శ్రీవత్స కౌస్తుభ ధరో - యశో దావత్సల హరి:
చతుర్భుజాత్త చక్రాసి - గందాశంఖాద్యుదాయుధః
దేవకీనందన స్శ్రేశో - నన్ద గోపప్రియాత్మజ:
యమునావేగ సంహారీ - బలభద్ర ప్రియానుజః
పూతనాజీవిత హరః - శకటాసురభంజనః
నన్ద వ్రజ జనానన్దీ - సచ్చిదానంద విగ్రహః
నవనీత విలిప్తాంగో - నవనీత నటో నఘః
నవనీత నవాహరో - ముచికుంద ప్రసాదకః
శుకవాగ మ్రుతాబ్దీ న్దుర్ - గోవిందో యోగినా పతి:
వత్స వాటచరో నన్తో - ధేనుకాసుర భంజనః
త్రుణీకృత త్రుణావర్తో - యమళార్జున భంజనః
ఉత్తాలతాలభేత్తాచ - తమాల శ్యామలాకృతి:
గోపగోపీశ్వరో యోగీ - కోటిసూర్య సమప్రభ:
ఇళాపతి: పరంజ్యోతిర్ - యదవేంద్రో యదూద్వహః
వనమాలీ పీతవాసాః - పారిజాతా పహారకః
గోవర్ధ నాచ లోద్ధర్తా - గోపాల స్సర్వ పాలకః
అజో నిరంజనః కామ - జనకః కన్జలోచనః
మధుహా మధురానాథో - ద్వారా కానాయకో బలీ
బృందావనాన్త సంచారీ - తులసీదామా భూషనః
శమన్త కమణే ర్హర్తా - నరనారాయణాత్మకః
కుబ్జా కృష్ణాంబరధరో - మాయీ పరమ పురుషః
ముష్టి కాసుర చాణూర - మల్ల యుద్ధ విశారదః
సంసార వైరీ కంసారిర్ - మురారి ర్నర కాన్తకః
అనాది బ్రహ్మచారీచ - కృష్ణావ్య సన కర్శకః
శిశుపాల శిరశ్చేత్తా - దుర్యోధ నకులాంతకః
విదురాక్రూర వరదో - విశ్వరూప ప్రదర్శకః
సత్యవాక్సత్య సంకల్వః - సత్యభామారతో జయీ
సుభద్రా పూర్వజో విష్ణుర్ - భీష్మముక్తి ప్రదాయకః
జగద్గురుర్జగానాథో - వేణునాద విశారదః
వ్రుశాభాసుర విధ్వంసీ - బాణాసుర కరాన్తకః
యుధిష్టిర ప్రతిష్టాతా - బర్హి బర్హావతం సక
పార్ధ సారథి రవ్యక్తో - గీతామృత మహోదధి:
కాళీ య ఫణిమాణిక్య - రంజిత శ్రీ పదాంబుజ
దామోదరో యజ్ఞభోక్తా - దానవేంద్ర వినాశకః
నారాయణ పరంబ్రహ్మ - పన్నగాశన వాహనః
జక్రీడా సమానక్త - గోపీవస్త్రా పహారకః
పుణ్యశ్లోక స్తీర్ధ పాదో - వేద వేద్యో దయానిధి:
సర్వతీర్ధాత్మక స్సర్వ - గ్రహరూపీ పరాత్పరః
ఏవం శ్రీకృష్ణ దేవస్య - నామ్నా మష్టోత్తరం శతమ్
కృష్ణ నామామృతం నామ - పరమానంద కారకమ్
అత్యు ప్రదవదో షఘ్నం - పరమాయుష్య వర్ధనమ్.
                               ఇతి శ్రీ కృష్ణాష్టోత్తర శతనామ స్తోత్ర మ్

సంతానగోపాల స్తోత్రమ్

 

 

 

 

 

 

ఓం శ్రీం హ్రీం క్లీం గ్లౌం దేవకీసుత గోవిన్ద వాసుదేవ జగత్పతే |
దేహి మే తనయం కృష్ణ త్వామహం శరణం గతః ||

ఓం నమో భగవతే వాసుదేవాయ |

సంతానగోపాలస్తోత్రం

శ్రీశం కమలపత్రాక్షం దేవకీనన్దనం హరిమ్ |
సుతసంప్రాప్తయే కృష్ణం నమామి మధుసూదనమ్ ||౧||

నమామ్యహం వాసుదేవం సుతసంప్రాప్తయే హరిమ్ |
యశోదాఙ్కగతం బాలం గోపాలం నన్దనన్దనమ్|| ౨ ||

అస్మాకం పుత్రలాభాయ గోవిన్దం మునివన్దితమ్ |
నమామ్యహం వాసుదేవం దేవకీనన్దనం సదా || ౩ ||

గోపాలం డిమ్భకం వన్దే కమలాపతిమచ్యుతమ్ |
పుత్రసంప్రాప్తయే కృష్ణం నమామి యదుపుఙ్గవమ్ || ౪ ||

పుత్రకామేష్టిఫలదం కఞ్జాక్షం కమలాపతిమ్ |
దేవకీనన్దనం వన్దే సుతసమ్ప్రాప్తయే మమ || ౫ ||

పద్మాపతే పద్మనేత్రే పద్మనాభ జనార్దన |
దేహి మే తనయం శ్రీశ వాసుదేవ జగత్పతే || ౬ ||

యశోదాఙ్కగతం బాలం గోవిన్దం మునివన్దితమ్ |
అస్మాకం పుత్ర లాభాయ నమామి శ్రీశమచ్యుతమ్ || ౭ ||

శ్రీపతే దేవదేవేశ దీనార్తిర్హరణాచ్యుత |
గోవిన్ద మే సుతం దేహి నమామి త్వాం జనార్దన || ౮ ||

భక్తకామద గోవిన్ద భక్తం రక్ష శుభప్రద |
దేహి మే తనయం కృష్ణ రుక్మిణీవల్లభ ప్రభో || ౯ ||

రుక్మిణీనాథ సర్వేశ దేహి మే తనయం సదా |
భక్తమన్దార పద్మాక్ష త్వామహం శరణం గతః || ౧౦ ||

దేవకీసుత గోవిన్ద వాసుదేవ జగత్పతే |
దేహి మే తనయం కృష్ణ త్వామహం శరణం గతః || ౧౧ ||

వాసుదేవ జగద్వన్ద్య శ్రీపతే పురుషోత్తమ |
దేహి మే తనయం కృష్ణ త్వామహం శరణం గతః || ౧౨ ||

కఞ్జాక్ష కమలానాథ పరకారుణికోత్తమ |
దేహి మే తనయం కృష్ణ త్వామహం శరణం గతః || ౧౩ ||

లక్ష్మీపతే పద్మనాభ ముకున్ద మునివన్దిత |
దేహి మే తనయం కృష్ణ త్వామహం శరణం గతః || ౧౪ ||

కార్యకారణరూపాయ వాసుదేవాయ తే సదా |
నమామి పుత్రలాభార్థ సుఖదాయ బుధాయ తే || ౧౫ ||

రాజీవనేత్ర శ్రీరామ రావణారే హరే కవే |
తుభ్యం నమామి దేవేశ తనయం దేహి మే హరే || ౧౬ ||

అస్మాకం పుత్రలాభాయ భజామి త్వాం జగత్పతే |
దేహి మే తనయం కృష్ణ వాసుదేవ రమాపతే || ౧౭ ||

శ్రీమానినీమానచోర గోపీవస్త్రాపహారక |
దేహి మే తనయం కృష్ణ వాసుదేవ జగత్పతే || ౧౮ ||

అస్మాకం పుత్రసంప్రాప్తిం కురుష్వ యదునన్దన |
రమాపతే వాసుదేవ ముకున్ద మునివన్దిత || ౧౯ ||

వాసుదేవ సుతం దేహి తనయం దేహి మాధవ |
పుత్రం మే దేహి శ్రీకృష్ణ వత్సం దేహి మహాప్రభో ||౨౦ ||

డిమ్భకం దేహి శ్రీకృష్ణ ఆత్మజం దేహి రాఘవ |
భక్తమన్దార మే దేహి తనయం నన్దనన్దన || ౨౧ ||

నన్దనం దేహి మే కృష్ణ వాసుదేవ జగత్పతే |
కమలనాథ గోవిన్ద ముకున్ద మునివన్దిత || ౨౨ ||

అన్యథా శరణం నాస్తి త్వమేవ శరణం మమ |
సుతం దేహి శ్రియం దేహి శ్రియం పుత్రం ప్రదేహి మే || ౨౩ ||

యశోదాస్తన్యపానజ్ఞం పిబన్తం యదునన్దనం |
వన్దేహం పుత్రలాభార్థం కపిలాక్షం హరిం సదా || ౨౪ ||

నన్దనన్దన దేవేశ నన్దనం దేహి మే ప్రభో |
రమాపతే వాసుదేవ శ్రియం పుత్రం జగత్పతే || ౨౫ ||

పుత్రం శ్రియం శ్రియం పుత్రం పుత్రం మే దేహి మాధవ |
అస్మాకం దీనవాక్యస్య అవధారయ శ్రీపతే || ౨౬ ||

గోపాల డిమ్భ గోవిన్ద వాసుదేవ రమాపతే |
అస్మాకం డిమ్భకం దేహి శ్రియం దేహి జగత్పతే || ౨౭ ||

మద్వాఞ్ఛితఫలం దేహి దేవకీనన్దనాచ్యుత |
మమ పుత్రార్థితం ధన్యం కురుష్వ యదునన్దన || ౨౮ ||

యాచేహం త్వాం శ్రియం పుత్రం దేహి మే పుత్రసంపదమ్|
భక్తచిన్తామణే రామ కల్పవృక్ష మహాప్రభో || ౨౯ ||

ఆత్మజం నన్దనం పుత్రం కుమారం డిమ్భకం సుతమ్ |
అర్భకం తనయం దేహి సదా మే రఘునన్దన || ౩౦ ||

వన్దే సన్తానగోపాలం మాధవం భక్తకామదమ్ |
అస్మాకం పుత్రసంప్రాప్త్యై సదా గోవిన్దమచ్యుతమ్ || ౩౧ ||

ఓంకారయుక్తం గోపాలం శ్రీయుక్తం యదునన్దనమ్ |
క్లీంయుక్తం దేవకీపుత్రం నమామి యదునాయకమ్ || ౩౨ ||

వాసుదేవ ముకున్దేశ గోవిన్ద మాధవాచ్యుత |
దేహి మే తనయం కృష్ణ రమానాథ మహాప్రభో || ౩౩ ||

రాజీవనేత్ర గోవిన్ద కపిలాక్ష హరే ప్రభో |
సమస్తకామ్యవరద దేహి మే తనయం సదా || ౩౪ ||

అబ్జపద్మనిభం పద్మవృన్దరూప జగత్పతే |
దేహి మే వరసత్పుత్రం రమానాయక మాధవ || ౩౫ ||

నన్దపాల ధరాపాల గోవిన్ద యదునన్దన |
దేహి మే తనయం కృష్ణ రుక్మిణీవల్లభ ప్రభో || ౩౬ ||

దాసమన్దార గోవిన్ద ముకున్ద మాధవాచ్యుత |
గోపాల పుణ్డరీకాక్ష దేహి మే తనయం శ్రియమ్ || ౩౭ ||

యదునాయక పద్మేశ నన్దగోపవధూసుత |
దేహి మే తనయం కృష్ణ శ్రీధర ప్రాణనాయక || ౩౮ ||

అస్మాకం వాఞ్ఛితం దేహి దేహి పుత్రం రమాపతే |
భగవన్ కృష్ణ సర్వేశ వాసుదేవ జగత్పతే || ౩౯ ||

రమాహృదయసంభారసత్యభామామనః ప్రియ |
దేహి మే తనయం కృష్ణ రుక్మిణీవల్లభ ప్రభో || ౪౦ ||

చన్ద్రసూర్యాక్ష గోవిన్ద పుణ్డరీకాక్ష మాధవ |
అస్మాకం భాగ్యసత్పుత్రం దేహి దేవ జగత్పతే || ౪౧ ||

కారుణ్యరూప పద్మాక్ష పద్మనాభసమర్చిత |
దేహి మే తనయం కృష్ణ దేవకీనన్దనన్దన || ౪౨ ||

దేవకీసుత శ్రీనాథ వాసుదేవ జగత్పతే |
సమస్తకామఫలద దేహి మే తనయం సదా || ౪౩ ||

భక్తమన్దార గమ్భీర శఙ్కరాచ్యుత మాధవ |
దేహి మే తనయం గోపబాలవత్సల శ్రీపతే || ౪౪ ||

శ్రీపతే వాసుదేవేశ దేవకీప్రియనన్దన |
భక్తమన్దార మే దేహి తనయం జగతాం ప్రభో ||౪౫ ||

జగన్నాథ రమానాథ భూమినాథ దయానిధే |
వాసుదేవేశ సర్వేశ దేహి మే తనయం ప్రభో || ౪౬ ||

శ్రీనాథ కమలపత్రాక్ష వాసుదేవ జగత్పతే |
దేహి మే తనయం కృష్ణ త్వామహం శరణం గతః || ౪౭ ||

దాసమన్దార గోవిన్ద భక్తచిన్తామణే ప్రభో |
దేహి మే తనయం కృష్ణ త్వామహం శరణం గతః || ౪౮ ||

గోవిన్ద పుణ్డరీకాక్ష రమానాథ మహాప్రభో |
దేహి మే తనయం కృష్ణ త్వామహం శరణం గతః || ౪౯ ||

శ్రీనాథ కమలపత్రాక్ష గోవిన్ద మధుసూదన |
మత్పుత్రఫలసిద్ధ్యర్థం భజామి త్వాం జనార్దన || ౫౦ ||

స్తన్యం పిబన్తం జననీముఖాంబుజం
విలోక్య మన్దస్మితముజ్జ్వలాఙ్గమ్ |
స్పృశన్తమన్యస్తనమఙ్గులీభిర్వన్దే
యశోదాఙ్కగతం ముకున్దమ్ || ౫౧ ||

యాచేఽహం పుత్రసన్తానం భవన్తం పద్మలోచన |
దేహి మే తనయం కృష్ణ త్వామహం శరణం గతః || ౫౨ ||

అస్మాకం పుత్రసమ్పత్తేశ్చిన్తయామి జగత్పతే |
శీఘ్రం మే దేహి దాతవ్యం భవతా మునివన్దిత || ౫౩ ||

వాసుదేవ జగన్నాథ శ్రీపతే పురుషోత్తమ |
కురు మాం పుత్రదత్తం చ కృష్ణ దేవేన్ద్రపూజిత || ౫౪ ||

కురు మాం పుత్రదత్తం చ యశోదాప్రియనన్దనమ్ |
మహ్యం చ పుత్రసన్తానం దాతవ్యంభవతా హరే || ౫౫ ||

వాసుదేవ జగన్నాథ గోవిన్ద దేవకీసుత |
దేహి మే తనయం రామ కౌశల్యాప్రియనన్దన || ౫౬ ||

పద్మపత్రాక్ష గోవిన్ద విష్ణో వామన మాధవ |
దేహి మే తనయం సీతాప్రాణనాయక రాఘవ || ౫౭ ||

కఞ్జాక్ష కృష్ణ దేవేన్ద్రమణ్డిత మునివన్దిత |
లక్ష్మణాగ్రజ శ్రీరామ దేహి మే తనయం సదా || ౫౮ ||

దేహి మే తనయం రామ దశరథప్రియనన్దన |
సీతానాయక కఞ్జాక్ష ముచుకున్దవరప్రద || ౫౯ ||

విభీషణస్య యా లఙ్కా ప్రదత్తా భవతా పురా |
అస్మాకం తత్ప్రకారేణ తనయం దేహి మాధవ || ౬౦ ||

భవదీయపదాంభోజే చిన్తయామి నిరన్తరమ్ |
దేహి మే తనయం సీతాప్రాణవల్లభ రాఘవ || ౬౧ ||

రామ మత్కామ్యవరద పుత్రోత్పత్తిఫలప్రద |
దేహి మే తనయం శ్రీశ కమలాసనవన్దిత || ౬౨ ||

రామ రాఘవ సీతేశ లక్ష్మణానుజ దేహి మే |
భాగ్యవత్పుత్రసన్తానం దశరథప్రియనన్దన |
దేహి మే తనయం రామ కృష్ణ గోపాల మాధవ || ౬౪ ||

కృష్ణ మాధవ గోవిన్ద వామనాచ్యుత శఙ్కర |
దేహి మే తనయం శ్రీశ గోపబాలకనాయక || ౬౫ ||

గోపబాల మహాధన్య గోవిన్దాచ్యుత మాధవ |
దేహి మే తనయం కృష్ణ వాసుదేవ జగత్పతే || ౬౬ ||

దిశతు దిశతు పుత్రం దేవకీనన్దనోయం
దిశతు దిశతు శీఘ్రం భాగ్యవత్పుత్రలాభమ్ |
దిశతు దిశతు శీఘ్రం శ్రీశో రాఘవో రామచన్ద్రో
దిశతు దిశతు పుత్రం వంశ విస్తారహేతోః || ౬౭ ||

దీయతాం వాసుదేవేన తనయోమత్ప్రియః సుతః |
కుమారో నన్దనః సీతానాయకేన సదా మమ || ౬౮ ||

రామ రాఘవ గోవిన్ద దేవకీసుత మాధవ |
దేహి మే తనయం శ్రీశ గోపబాలకనాయక || ౬౯ ||

వంశవిస్తారకం పుత్రం దేహి మే మధుసూదన |
సుతం దేహి సుతం దేహి త్వామహం శరణం గతః || ౭౦ ||

మమాభీష్టసుతం దేహి కంసారే మాధవాచ్యుత |
సుతం దేహి సుతం దేహి త్వామహం శరణం గతః ||౭౧ ||

చన్ద్రార్కకల్పపర్యన్తం తనయం దేహి మాధవ |
సుతం దేహి సుతం దేహి త్వామహం శరణం గతః ||౭౨ ||

విద్యావన్తం బుద్ధిమన్తం శ్రీమన్తం తనయం సదా |
దేహి మే తనయం కృష్ణ దేవకీనన్దన ప్రభో || ౭౩ ||

నమామి త్వాం పద్మనేత్ర సుతలాభాయ కామదమ్ |
ముకున్దం పుణ్డరీకాక్షం గోవిన్దం మధుసూదనమ్ || ౭౪ ||

భగవన్ కృష్ణ గోవిన్ద సర్వకామఫలప్రద |
దేహి మే తనయం స్వామింస్త్వామహం శరణం గతః || ౭౫ ||

స్వామింస్త్వం భగవన్ రామ కృష్న మాధవ కామద |
దేహి మే తనయం నిత్యం త్వామహం శరణం గతః || ౭౬ ||

తనయం దేహిఓ గోవిన్ద కఞ్జాక్ష కమలాపతే |
సుతం దేహి సుతం దేహి త్వామహం శరణం గతః ||౭౭ ||

పద్మాపతే పద్మనేత్ర ప్రద్యుమ్న జనక ప్రభో |
సుతం దేహి సుతం దేహి త్వామహం శరణం గతః || ౭౮ ||

శఙ్ఖచక్రగదాఖడ్గశార్ఙ్గపాణే రమాపతే |
దేహి మే తనయం కృష్ణ త్వామహం శరణం గతః || ౭౯ ||

నారాయణ రమానాథ రాజీవపత్రలోచన |
సుతం మే దేహి దేవేశ పద్మపద్మానువన్దిత || ౮౦ ||

రామ రాఘవ గోవిన్ద దేవకీవరనన్దన |
రుక్మిణీనాథ సర్వేశ నారదాదిసురార్చిత || ౮౧ ||

దేవకీసుత గోవిన్ద వాసుదేవ జగత్పతే |
దేహి మే తనయం శ్రీశ గోపబాలకనాయక || ౮౨ ||

మునివన్దిత గోవిన్ద రుక్మిణీవల్లభ ప్రభో |
దేహి మే తనయం కృష్ణ త్వామహం శరణం గతః || ౮౩ ||

గోపికార్జితపఙ్కేజమరన్దాసక్తమానస |
దేహి మే తనయం కృష్ణ త్వామహం శరణం గతః || ౮౪ ||

రమాహృదయపఙ్కేజలోల మాధవ కామద |
మమాభీష్టసుతం దేహి త్వామహం శరణం గతః || ౮౫ ||

వాసుదేవ రమానాథ దాసానాం మఙ్గలప్రద |
దేహి మే తనయం కృష్ణ త్వామహం శరణం గతః || ౮౬ ||

కల్యాణప్రద గోవిన్ద మురారే మునివన్దిత |
దేహి మే తనయం కృష్ణ త్వామహం శరణం గతః || ౮౭ ||

పుత్రప్రద ముకున్దేశ రుక్మిణీవల్లభ ప్రభో |
దేహి మే తనయం కృష్ణ త్వామహం శరణం గతః || ౮౮ ||

పుణ్డరీకాక్ష గోవిన్ద వాసుదేవ జగత్పతే |
దేహి మే తనయం కృష్ణ త్వామహం శరణం గతః || ౮౯ ||

దయానిధే వాసుదేవ ముకున్ద మునివన్దిత |
దేహి మే తనయం కృష్ణ త్వామహం శరణం గతః || ౯౦ ||

పుత్రసమ్పత్ప్రదాతారం గోవిన్దం దేవపూజితమ్ |
వన్దామహే సదా కృష్ణం పుత్ర లాభ ప్రదాయినమ్ || ౯౧ ||

కారుణ్యనిధయే గోపీవల్లభాయ మురారయే |
నమస్తే పుత్రలాభాయ దేహి మే తనయం విభో || ౯౨ ||

మస్తస్మై రమేశాయ రుమిణీవల్లభాయ తే |
దేహి మే తనయం శ్రీశ గోపబాలకనాయక || ౯౩ ||

నమస్తే వాసుదేవాయ నిత్యశ్రీకాముకాయ చ |
పుత్రదాయ చ సర్పేన్ద్రశాయినే రఙ్గశాయినే || ౯౪ ||

రఙ్గశాయిన్ రమానాథ మఙ్గలప్రద మాధవ |
దేహి మే తనయం శ్రీశ గోపబాలకనాయక || ౯౫ ||

దాసస్య మే సుతం దేహి దీనమన్దార రాఘవ |
సుతం దేహి సుతం దేహి పుత్రం దేహి రమాపతే || ౯౬ ||

యశోదాతనయాభీష్టపుత్రదానరతః సదా |
దేహి మే తనయం కృష్ణ త్వామహం శరణం గతః ||౯౭ ||

మదిష్టదేవ గోవిన్ద వాసుదేవ జనార్దన |
దేహి మే తనయం కృష్ణ త్వామహం శరణం గతః || ౯౮ ||

నీతిమాన్ ధనవాన్ పుత్రో విద్యావాంశ్చ ప్రజాపతే |
భగవంస్త్వత్కృపాయాశ్చ వాసుదేవేన్ద్రపూజిత || ౯౯ ||

ఫలశృతిః

యఃపఠేత్ పుత్రశతకం సోపి సత్పుత్రవాన్ భవేత్ |
శ్రీవాసుదేవకథితం స్తోత్రరత్నం సుఖాయ చ || ౧౦౦ ||

జపకాలే పఠేన్నిత్యం పుత్రలాభం ధనం శ్రియమ్ |
ఐశ్వర్యం రాజసమ్మానం సద్యో యాతి న సంశయః || ౧౦౧ ||

|| ఇతి సంతానగోపాల స్తోత్రం సంపూర్ణమ్

మధురాష్టకం

అధరం మధురం వదనం మధురం
నయనం మధురం హసితం మధురం
హృదయం మధురం గమనం మధురం
మధురాధిపతేరఖిలం మధురం (1)

వచనం మధురం చరితం మధురం
వసనం మధురం వలితం మధురం
చలితం మధురం భ్రమితం మధురం
మధురాధిపతేరఖిలం మధురం (2)

వేణుర్మధురో రేణుర్మధురః
పాణిర్మధురః పాదౌ మధురౌ
నృత్యం మధురం సఖ్యం మధురం
మధురాధిపతేరఖిలం మధురం (3)

గీతం మధురం పీతం మధురం
భుక్తం మధురం సుప్తం మధురం
రూపం మధురం తిలకం మధురం
మధురాధిపతేరఖిలం మధురం (4)

కరణం మధురం తరణం మధురం
హరణం మధురం రమణం మధురం
వమితం మధురం శమితం మధురం
మధురాధిపతేరఖిలం మధురం (5)

గుంజా మధురా మాలా మధురా
యమునా మధురా వీచీ మధురా
సలిలం మధురం కమలం మధురం
మధురాధిపతేరఖిలం మధురం (6)

గోపీ మధురా లీలా మధురా
యుక్తం మధురం ముక్తం మధురం
దృష్టం మధురం శిష్టం మధురం
మధురాధిపతేరఖిలం మధురం (7)

గోపా మధురా గావో మధురా
యష్టిర్మధురా సృష్టిర్మధురా
దళితం మధురం ఫలితం మధురం
మధురాధిపతేరఖిలం మధురం (8)

ఇతి శ్రీమద్వల్లభాచార్యవిరచితం మధురాష్టకం సంపూర్ణం

శ్రీ కృష్ణాష్టకం

వసుదేవసుతం దేవం - కంసచాణూరమర్దనం
దేవకీపరమానన్దం - కృష్ణం వందే జగద్గురుమ్‌. 1

అతసీపుష్పసంకాశం - హారనూపురశోభితం
రత్నకంకణకేయూరం - కృష్ణం వందే జగద్గురుమ్‌. 2

కుటిలాలకసంయుక్తం - పూర్ణచంద్రనిభాననం
విలసత్కుండలధరం - కృష్ణం వందే జగద్గురుమ్‌. 3

మన్దారగంధసంయుక్తం - చారుహాసం చతుర్భుజం
బర్హిపిఞ్ఛావచూడాఙ్గం - కృష్ణం వందే జగద్గురుమ్‌. 4

ఉత్ఫుల్లపద్మపత్రాక్షం - నీలజీమూతసన్నిభం
యాదవానాం శిరోరత్నం - కృష్ణం వందే జగద్గురుమ్‌. 5

రుక్మిణీకేళిసంయుక్తం - పీతామ్బరసుశోభితం
అవాప్తతులసీగంధం - కృష్ణం వందే జగద్గురుమ్‌. 6

గోపికానాం కుచద్వన్ద్వ - కుఙ్కుమాంకితవక్షసం
శ్రీ నికేతనం మహేష్వాసం - కృష్ణం వందే జగద్గురుమ్‌. 7

శ్రీవత్సాఙ్కం మహోరస్కం - వనమాలావిరాజితం
శఙ్ఖచక్రధరం దేవం - కృష్ణం వందే జగద్గురుమ్‌. 8

కృష్ణాష్టక మిదం పుణ్యం - ప్రాత రుత్థాయ యః పఠేత్‌
కోటిజన్మకృతం పాపం - స్మరణేన వినశ్యతి. 9

ఇతి శ్రీ కృష్ణాష్టకం